ენტონი ფაუჩი თანამდებობას ტოვებს - BBC

აშშ-ის ალერგიისა და ინფექციური დაავადებების ეროვნული ინსტიტუტის (NIAID) ხელმძღვანელი და პრეზიდენტ ჯო ბაიდენის მთავარი მრჩეველი მედიცინის საკითხებში ენტონი ფაუჩი თანამდებობას ტოვებს. ამის შესახებ ინფორმაცია "ბიბისი" ავრცელებს.

"ჩემი ცხოვრების პატივი იყო NIAID-ის მეთაურობა", - აღნიშნა განცხადებაში 81 წლის დოქტორ ფაუჩიმ, რომელიც NIAID-ის დირექტორად 38 წლის განმავლობაში მუშაობდა.

დღეს, ჯო ბაიდენმა მადლობა გადაუხადა ქვეყნის პირველ ინფექციონისტს.

"ამერიკის შეერთებული შტატები უფრო ძლიერი, უფრო გამძლე და ჯანმრთელია მის გამო“, - დაწერა პრეზიდენტმა განცხადებაში.

ივლისში დოქტორმა ფაუჩიმ განაცხადა, რომ ბაიდენის ვადის ამოწურვამდე პენსიაზე გავიდოდა და იგი მიმდინარე წლის დეკემბრისთვის ორივე თანამდებობის დატოვებას გეგმავს.

”მე ვაპირებ გავაგრძელო ჩემი კარიერის შემდეგი ეტაპი, სანამ ჯერ კიდევ მექნება საკმარისი ენერგია და ვნება ჩემი სფეროს მიმართ,” - თქვა მან.

დოქტორ ფაუჩის, რომელიც 24 დეკემბერს 82 წლის გახდება, თანამდებობიდან წასვლის ზუსტი თარიღი არ დაუსახელებია.