ჩინეთში, განათლების სისტემის 30-მდე თანამშრომელი დასაჯეს, სახელმძღვანელოში შეტანილი ნახატებისთვის - კომპარტიაში მიიჩნიეს, რომ ზოგიერთი პერსონაჟი "მახინჯია და ავლენს ავ სულს"
ჩინეთმა განათლების სამინისტროს ოცდაათამდე თანამშრომელი დასაჯა, მათემატიკის სახელმძღვანელოში შეტანილი ნახატების სერიისთვის. გამოძიების თანახმად წიგნში ბავშვები "მახინჯად" გამოიყურებიან - ინფორმაციას Bloomberg -ი ავრცელებს...
განათლების სამინისტროში აცხადებენ, რომ სახელმწიფო გამომცემლობის 27-მდე თანამშრომელს კი საყვედური გამოუცხადეს ან სამსახურიდან გაათავისუფლეს ილუსტრაციებისთვის, რომლებიც "არ აკმაყოფილებდა მორალური განათლების ძირითად მოთხოვნებს“.
"ილუსტრაციების ზოგადი სტილი არ შეესაბამება საზოგადოების ესთეტიკურ გემოვნებას. ზოგიერთი ილუსტრირებული პერსონაჟი "მახინჯია“, ავლენს ავ სულს და და არ ასახავს ჩვენი ქვეყნის ბავშვების დადებით იმიჯს", - აცხადებენ კომპარტიაში.
ჩინურ სოციალურ მედიაში People's Education Press-ის დაწყებითი სკოლის წიგნებმა აჟიოტაჟი კიდევ იმის გამო გამოიწვია, რომ მათი აზრით, ნახატები რასისტული იყო, ბავშვებს ჩამოშვებული თვალები ჰქონდათ, მათ შარვლებზე კი აშკარად გამოსახული იყო მამაკაცის სასქესო ორგანო...
ქვეყნის უმსხვილესმა გამომცემელმა საჯარო ბოდიში მოიხადა თავის ოფიციალურ WeChat ანგარიშზე. გამომცემლობას დაევალა, ახალი სასწავლო წლისთვის ახალი დიზაინის წიგნების მომზადება.
განათლების სამინისტრომ განაცხადა, რომ გამომცემელს არ ესმოდა სახელმძღვანელოების დანიშნულება. მან პირობა დადო, რომ გააძლიერებდა კომუნისტური პარტიის იდეოლოგიას საგანმანათლებლო მასალებში, რათა მათ დაიცვან სწორი პოლიტიკური მიმართულება და ღირებულებითი ორიენტაცია.