მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ცეკვავენ ვარსკვლავები“ - რა ხდება მაშინ, როცა მსოფლიოს ლიდერები ცეკვას იწყებენ - პოლიტიკოსების ცეკვა: ყველაზე შთამბეჭდავი და ყველაზე უხერხული მოძრაობები
07:41 / 21-08-2022
ფინეთის პრემიერ-მინისტრ სანა მარინის, როგორც მოცეკვავის შესაძლებლობები, მთელმა მსოფლიომ ნახა მას შემდეგ, რაც სოციალურ ქსელებში გავრცელდა ვიდეო, სადაც ჩანს, თუ როგორ ერთობა ის მეგობრებთან ერთად წვეულებაზე. ზოგიერთის აზრით, მარინს ისე კარგად გამოსდის ცეკვა, რომ თამამად შეუძლია "ცეკვავენ ვარსკვლავებში" მონაწილეობის მიღება.
ფინელ ოპოზიციონერთა კრიტიკის მიუხედავად, საზოგადოების დიდი ნაწილი თანხმდება, რომ არაფერია მეგობრებთან ერთად გართობაში სამარცხვინო. მარინმა თქვა, რომ მას კანონდარღვევა არ ჩაუდენია და ოპოზიციონერთა მოთხოვნის საპასუხოდ, ნარკოტესტი ჩააბარა.
სანა მარინი არ არის ერთადერთი პოლიტიკოსი, რომელთა ცეკვაც საზოგადოებას უნახავს. მათ შორის ზოგიერთმა საკუთარი გადაწყვეტილებით აჩვენა მოცეკვავევის შესაძლებლობები ფართო აუდიტორიას სხვადასხვა ოფიციალურ შეხვედრაზე, ზოგიერთის შემთხვევაში კი, სანა მარინის მსგავსად, ფარულად გადაღებული ვიდეო გავრცელდა მედიაში.
ვნახოთ "მოცეკვავე პოლიტიკოსები", თუმცა სანამ ქვემოთ მოცემულ ვიდეოკადრებს ნახავდეთ, იცოდეთ, რო სანა მარინის მსგავსი უნარებით ცეკვის თვალსაზრისით, სხვები არ გამოირჩევიან.
- სანა მარინი
გამოცემა Politico 5-ქულიანი სისტემით აფასებს ფინეთის პრემიერს, როგორ მოცეკვავეს და ხუთიდან ხუთ ქულას უწერს. "გავრცელებულ ვიდეოში მსოფლიოში ყველაზე ახალგაზრდა პრემიერ-მინისტრი დიდი ენთუზიაზმით ცეკვავს ფინელი ვარსკვლავების პეტრი ნიგარდისა და ანტი ტუიკუს ჰიტებზე. სანა მარინმა უმაღლესი სვლებითა და ენთუზიაზმით დაიპყრო საცეკვაო მოედანი. ამიტომაც ის საუკეთესო შეფასებას იმსახურებს", - წერს გამოცემა.
- ტერეზა მეი
დიდი ბრიტანეთის ყოფილი პრემიერ-მინისტრის, ტერეზა მეის ცეკვა ცნობილი გახდა მას შემდეგ, რაც 2018 წელს, ABBA-ს პოპულარული სიმღერის, Dancing Queen-ის თანხლებით შევიდა ერთ-ერთ ოფიციალურ კონფერენციაზე 2018. მსგავსად მოიქცა ტერეზა ნაირობიში მოგზაურობის დროს.
ზოგიერთმა მეის მოძრაობები რობოტის მოძრაობებს შეადარა და მიიჩნიეს, რომ ის არც ისე მოხერხებულია. ბევრმა ყოფილ პრემიერს რჩევაც მისცა, რომ სჯობდა, ცეკვის გაკვეთილები გაევლო.
- ბორის ელცინი
რუსეთის ყოფილმა პრეზიდენტმა, ბორის ელცინმა, 1996 წლის საპრეზიდენტო კამპანიის დროს შეასრულა ცეკვა, რომელიც პოპულარული Gangam Style-ის ცეკვას მოგაგონებთ. შესაძლოა, პოპულარული მოძრაობების პირველი ვერსია სწორედ ელცინს ეკუთვნოდეს და კორეელი შემსრულებლისთვის ქორეოგრაფიაზე მუშაობისას, ის შთამაგონებელი იყო.
მსგავსება გასაოცარია. PSY-ის ჰიტი ელცინის ცეკვიდან 15 წლის შემდეგ გამოვიდა.
- ბორის ჯონსონი
ჯონსონი, რომელიც დაუნინგ სტრიტს სექტემბერში დატოვებს, გამოირჩევა გართობისა და წვეულებების სიყვარულით და არაერთი ვიდეო არსებობს სოციალურ ქსელში, სადაც მისი არცთუ ისე მოქნილი მოძრაობებია აღბეჭდილი.
ეს ვიდეო კი ბორის ჯონსონის ქორწილიდანაა. საზოგადოება უფრო მეტ კოორდინაციას მოელოდა საქორწილო ცეკვის დროს, თუმცა ის ხომ ბორის ჯონსონია?!
- დმიტრი მედვედევი
2011 წელს "იუთუბზე“ გავრცელდა ვიდეო, სადაც ჩანს თუ როგორ ცეკვავს რუსეთის ყოფილი პრეზიდენტი დმიტრი მედვედევი რუსული პოპ ჯგუფის Kombinaciya-ს სიმღერაზე “American Boy”
ვიდეოში ჩანს, როგორ უხერხულად ტრიალდება ის და ხელებით უჩვეულო მოძრაობებს აკეთებს. მისი ცეკვა რა თქმა უნდა, არავის მოსწონს, მაგრამ ცივილურ სამყაროს ურჩევნია, პოლიტიკური გადაწყვეტილებების მიღებას, წვეულებებზე იაროს და თუნდაც ამაზე უარესად იცეკვოს.
- ემანუელ მაკრონი
2018 წელს ლაგოსში ვიზიტის დროს, საფრანგეთის პრეზიდენტი ემანუელ მაკრონი Afrobeat-ის მუსიკოსმა ფემი კუტიმ სცენაზე მიიწვია, თუმცა როგორც ჩანს, მუსიკალური რიტმების შეგრძნება და აფრიკულ ცეცხლოვან ნოტებზე ფეხის აწყობა მაკრონის ძლიერი მხარე არ არის. საფრანგეთის პრეზიდენტი ცოტა დაიბნა კიდეც,
- დონალდ ტრამპი
აშშ-ის ყოფილ პრეზიდენტს, დონალდ ტრამპს საუდის არაბეთში ხმლით ხელში მოუწია ცეკვა. მას საზეიმო დახვედრა მოუწვეს და ცეკვაში მონაწილეობა სთხოვეს, თუმცა პრეზიდენტს დიდად არ გამოუვიდა რიტმისთვის ფეხის აწყობა და საერთო სინქრონიდან ამოვარდა. კარგი ისაა, რომ შემთხვევით ამ ხმლით არავინ დააზიანა, სინქრონი ვის აღელვებს?!
- ბონუსი:
რა თქმა უნდა, ჩეჩნეთის ლიდერი, რამზან კადიროვი ზემოთ ჩამოთვლილი პოლიტიკოსების კალიბრის არ არის, თუმცა როცა პოლიტიკოსების ცეკვაზე ვსაუბრობთ, მისი "კავკასიური" სიაში უნდა იყოს
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველაზე მაგრად ობამა ცეკვავდა
ელცინი გადაკრულში იყო და მთელი გულით მოილხინა. 😄 ეგეც არ იყო ანგელოზი, მაგრამ მის მემკვიდრე ორ ბოროტ რობოტთან შედარებით, წარმოსადეგი და ემოციური მაინც იყო.