ფინეთი რუსეთს მისი საჰაერო სივრცის დარღვევაში ადანაშაულებს.
ფინეთის თავდაცვის სამინისტროს განცხადებით, MiG-31-ის ტიპის ორმა რუსულმა გამანადგურებელმა დღეს დილის 6:40 საათზე, ქალაქ პორვოსთან ახლოს, ქვეყნის საჰაერო სივრცე დაარღვია.
"ფინეთის საჰაერო სივრცეში სავარაუდო დარღვევის სიღრმე ერთი კილომეტრი იყო", - განაცხადა ფინეთის თავდაცვის უწყების პრესსპიკერმა კრისტიან ვაკურიმ.
რუსეთის თავდაცვის სამინისტროს ცნობით, მათ სამი MiG-31E-ის ტიპის საბრძოლო თვითმფრინავი კალინინგრადის რეგიონში გადაიტანეს, რომლებიც “კინჟალის“ ზებგერითი რაკეტებით იყო აღჭურვილი.
