მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვენ ჯერ კიდევ კარგი ურთიერთობა გვაქვს, ბავშვები უკვე გაიზარდნენ... ცხოვრება გრძელდება" - ვიტალი კლიჩკომ დაადასტურა, რომ ცოლს შორდება
11:10 / 15-08-2022
ვიტალი კლიჩკო ცოლს 25-წლიანი ქორწინების შემდეგ შორდება. კიევის მერმა მეუღლე ნატალია კლიჩკოსთან განქორწინების შესახებ ღიად განაცხადა. მისი თქმით, ისინი მრავალი წელია სხვადასხვა ქვეყანაში ცხოვრობენ, ამიტომ განქორწინება მათი ურთიერთობის ლოგიკური დასასრულია.
ამავდროულად, კლიჩკომ განმარტა, რომ განქორწინების მიუხედავად, ცხოვრება გრძელდება.
"ბევრი წელია, რაც სხვადასხვა ინტერესები და განსხვავებული ცხოვრება გვაქვს. ამიტომ გადავწყვიტეთ ჩვენი ცალ-ცალკე ცხოვრება ოფიციალური გავხადოთ. ეს ორივე მხარის სურვილია. ჩვენ ჯერ კიდევ კარგი ურთიერთობა გვაქვს, ერთმანეთს პატივს ვცემთ, ბავშვები უკვე გაიზარდნენ... ცხოვრება გრძელდება", - ამბობს კლიჩკო უკრაინულ მედიასთან...
კითხვაზე, თავისუფალია თუ არა მისი გული, მერმა უპასუხა, რომ: "ის კიევის მერია. როგორ არ მიყვარდე, ჩემო კიევო?.."
ვიტალი და ნატალია კლიჩკო 1997 წლის 26 აპრილს დაქორწინდნენ. წყვილს სამი შვილი შეეძინა: 2000 წელს - ვაჟი იგორ-დანიელი, 2002 წელს - ქალიშვილი ელიზავეტა-ვიქტორია, 2005 წელს - მაქსიმი. ნატალია წლებია გერმანიაში ცხოვრობს, ბავშვებიც საზღვარგარეთ სწავლობენ.
მერის ყოფილი მეუღლის მუდმივი საცხოვრებელი ქალაქი ჰამბურგია, სადაც აქციებს ესწრება და ევროპელებს უკრაინაში არსებულ ვითარებას აცნობს. ამ ცოტა ხნის წინ ნატალიამ ერთ-ერთ აქციაზე უკრაინის ჰიმნი შეასრულა. გერმანიაში კლიჩკოს მეუღლე მუსიკალურ კარიერას იწყობს.
ცოტა ხნის წინ, ქალმა აუქციონზე თავისი ჯინსის ქურთუკი გაყიდა, რომელიც სამხატვრო გალერეამ 5000 ევროდ შეიძინა. შემოსული თანხა კი რუსეთის აგრესიით დაზარალებული უკრაინელების დასახმარებლად გადარიცხა.
ომის დაწყებიდან მალევე ნატალია კლიჩკომ უცხოურ მედიას ინტერვიუ მისცა, რომელშიც ქალი ყვებოდა, რომ ომმა მისი სამყარო დაანგრია. იხსნეებდა ომის დაწყების დღეს: "ტირილი დავიწყე და მაშინვე დავურეკე ჩემს მეუღლეს..."
ინტერვიუში ამბობდა იმასაც, რომ მეუღლეს ყოველ დილით სწერს და მის ამბავს კითხულობს. "როდესაც პირველად მომწერა, რომ ცოცხალი იყო, ცრემლები წამომივიდა. წარმოიდგინეთ, თქვენ პასუხს იღებთ კაცისგან, რომ ის ჯერ კიდევ ცოცხალია - და ეს ხდება შუაგულ ევროპაში? თვალები დავხუჭე და ჩემს თავს ვკითხე: - რა სამყაროში ვცხოვრობთ?“
ნატალიას თქმით, მისი დედა უკრაინაშია და კიევიდან ხუთი კილომეტრის დაშორებით ცხოვრობს.
მან ასევე თქვა, რომ დედას უკრაინიდან წასვლის შესაძლებლობა ჰქონდა. მაგრამ ძმებ კლიჩკოების მსგავსად, მას არ სურს სამშობლოს დატოვება. "მან თქვა, რომ სურს თავის ქვეყანაში დარჩენა, რაც არ უნდა მოხდეს“.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ხატია დეკანოიძე გავურიგოთ, უკრაინა საქართველოზე მეტად უყვარს.
დადგება გოგოების რიგი :))