მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იმისთვის, რომ წინ ვიაროთ, აუცილებელია ვიყოთ ერთიანი, ერთობის გარეშე ვერ შემოვიერთებთ მოქალაქეებს, რომლებიც ცხოვრობენ აფხაზეთსა, თუ ცხინვალში" - პრეზიდენტი
22:50 / 07-08-2022
იმისთვის, რომ წინ ვიაროთ, აუცილებელია ვიყოთ ერთიანი, ერთობის გარეშე ამ გზას ვერ გავივლთ და ვერ შემოვიერთებთ მოქალაქეებს, რომლებიც ცხოვრობენ აფხაზეთსა, თუ ცხინვალში, - ამის შესახებ საქართველოს პრეზიდენტმა სალომე ზურაბიშვილმა მუხათგვერდის ძმათა სასაფლაოზე განაცხადა, სადაც დაღუპულ გმირთა მემორიალი გვირგვინით შეამკო.
როგორც სალომე ზურაბიშვილმა აღნიშნა, აგვისტოს ომი, რომელიც ოკუპირებული ტერიტორიებით დასრულდა, გამარჯვება არ არის, მაგრამ საქართველომ მაინც გაიმარჯვა, რადგან დღეს ჩვენი დამოკიდებულება, დემოკრატია და ევროპისკენ აღებული გეზი უფრო ძლიერია.
"მინდა სრულიად საქართველოს გავუზიარო დღევანდელი დღის დიდი მნიშვნელობა. ყველაფერი არ უნდა გადავიტანოთ ტრაგიზმში, ეს არის მნიშვნელოვანი დღეები და ბრძოლები, რომელიც დასრულდა ოკუპირებული ტერიტორიებით, ეს არ არის გამარჯვება, მაგრამ საქართველომ მაინც გაიმარჯვა, დღეს ჩვენი დამოკიდებულება, დემოკრატია და გზა ევროპისკენ არის უფრო ძლიერი. უნდა ვიზრუნოთ ოკუპირებულ ტერიტორიებზე მცხოვრებ ადამიანებზე, ისინი არ უნდა დავივიწყოთ და შევეგუოთ ამ მდგომარეობას. ამისთვის უნდა დავივიწყოთ, ის ბოღმა და სიძულვილი, რომელიც სუფევს ამ ქვეყანაში და ვიაროთ წინ საბოლოო გამარჯვებისკენ. ამ ქვეყანაში არავინ არ არის ახალი ომის, ან მეორე ფრონტის მომხრე, მე ეს თემები არ მესმის, ამ ქვეყანაში ყველა არის მომხრე, რომ საქართველო გაძლიერდეს და იყოს დამოუკიდებელი“, - აღნიშნა სალომე ზურაბიშვილმა.
ცნობისთვის, აგვისტოს 5-დღიანი ომიდან 14 წელი გავიდა. 2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენს, მათ შორის, 1045 პირი სამხედრო მოსამსახურეა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქ. პრეზიდენტის, უაზრო სლოგანი, თუ ....???
მოვისმინე სამივე მხარის (ქართული, ოსური და რუსული) საინფორმაციო გადაცემები. სამწუხაროდ ვერ დავინახე სინანულის გამომხატველი მონანიები. პირიქით ყოველი მხარე უბერავს თავის „სიმართლეს“, ანუ:
- ქართული მხარე საუბრობს რუს ოკუპანტებზე და ოს სეპარატისტებზე;
- ოსები საუბრობენ ქართველ დამპყრობლებზე, რომლებმაც მძინარე ცხინვალი დაბომბეს;
- რუსები საუბრობენ თუ როგორ გაანადგურეს ქართველებმა 30-ზე მეტი რუსი მშვიდობისმყოფელი და როგორ აიძულეს ქართული მხარე და დაამყარეს მშვიდობა ძალის გამოყენებით 5 დღის განმავლობაში.
ფაქტი ისაა, რომ 2008 წლის რუსულ-ქართული ომიდან 14 წლის გასვლის შემდეგაც ემოციები დუღს!!!
ჩემი პირადი აზრით, რომ არა სააკაშვილის ხუშტურები და ახირებები 2008 წელს ომიც არ იქნებოდა და არ გვეყოლებოდა ასობით დაღუპული ქართველი ჯარისკაცი და მშვიდობიანი მოსახლეობა, არ იქნებოდა 30 000 ლტოლვილი, არ გვექნებოდა დაკარგული ტერიტორიები და სხვა უბედურებები, რაც ამ ომს მოყვა.
საინტერესოა თუ როგორ აპირებს ქართული მხარე აფხაზეთისა და სამხრეთ ოსეთის რეგიონის შემორიგებას მშვიდობიანი გზებით?