"შენი ქმარი იყო ჩემი პირველი სიყვარული... შენი ქმარი ნაცემი მყავს" - თეა დარჩია გოგოლა კალანდაძეს

ცნობილმა მოცეკვავემ, თეა დარჩიამ თავისი პირველი სიყვარულის შესახებ ისაუბრა. ეს თემა მან "ტვ პირველის" ეთერში, გადაცემაში“შუადღე Live”, გოგოლა კალანდაძესთან საუბრისას გაიხსენა.

თეა დარჩიამ თქვა, რომ მისი პირველი სიყვარული გოგოლა კალანდაძის ქმარი იყო.

"პირველი სიყვარული იყო სკოლაში და სხვათაშორის ეს იყო ირაკლი ფერაძე. შენი ქმარი იყო ჩემი პირველი სიყვარული", - მიმართა მან გოგოლას.

"მე-4 კლასში ვარ და მზია გვილავამ შემოგვიყვანა ბიჭი, ოღონდ ჰგავს გოგოს ისეთი ლამაზია. შენი დედამთილი, ცისანა, პატარა ბიჭი ბრიჯებში, თეთრი პერანგით და გრძელი თმებით.

24 საათი ერთად ვიყავით. მე-4 კლასიდან მე-8 კლასამდე. და მე-8 კლასში ძალიან გამამწარეს კლასელებმა, დაბადების დღეს ვიხდიდი, დაყრილი პურ-მარილი, ამბავი და არც ერთი კლასელი არ მოვიდა დაბადების დღეზე.

მე ანსამბლის სახე ვიყავი, პირველი ექსპერიმენტალური სკოლის ოქროს მედალოსანი, ბრეჟნევივით დავდიოდი, სკოლაში რომ შედიოდი ჩემი დიდი ფოტო ეკიდა, ჯეირანის კოსტიუმში გადაღებული. რაღაცნაირად, ბავშვები ხომ იცი…გავბრაზდი, მეწყინა და იმ დღიდან იმ კლასში აღარ შევსულვარ, გადავედი სხვა კლასში.

შენი ქმარი ნაცემი მყავს", - ამბობს თეა დარჩია.