"იქითა მხარემ ქუჩური მენტალიტეტის მქონე პირები ამოიყვანა და მათ გაიმეტეს მირიანი... ორი პირია მიმალული" - ცხვარიჭამიაში მომხდარი მკვლელობის რა ახალი დეტალები ხდება ცნობილი
20 წლის მირიან კუკავას მკვლელობის საქმეზე ახალი დეტალები ხდება ცნობილი. AMBEBI.GE დაუკავშირდა სანდო წყაროს, რომელიც კუკავას ოჯახის ახლობელია და რომელიც მკვლელობის მოტივზე და კონფლიქტის მიმდინარეობაზე გვესაუბრება:
"როგორც ვიცი, დაბადების დღეზე ორჯერ მოხდა დაპირისპირება. პირველად მირიანის ძმაკაცს მოუვიდა შეკამათება ერთ-ერთ პირთან, რომელიც დაკავებულია. მათ არაბულის სახლში იჩხუბეს და ის სტანდარტულად, გოგოს გამო დაიწყო, როგორც ხდება ხოლმე. ამის შემდგომ, როცა სიტუაცია ჩაწყნარდა, იქითა მხარემ ვიღაცეებს, ქუჩური მენტალიტეტის მქონე პირებს დაურეკეს და ცხვარიჭამიაში ამოიყვანეს.
როგორც ვიცი, მათ გაიმეტეს მირიანი, რომელიც მეგობარს გამოექომაგა. მეორე, ხელახალი გარჩევა ეზოს გარეთ მოხდა, ახალგაზრდებმა გარეთ გადაინაცვლეს და იქ მოკლეს მირიანი.
მირიანის ყველა მეგობარს ვიცნობ, მაგრამ ეს პიროვნება საერთოდ არ ვიცი, ვინ არის, ისინი ერთმანეთს არ იცნობდნენ. როგორც ვიცი, ორი ადამიანია მიმალვაში. მანამდე ვისთანაც კამათი მოუვიდათ და იჩხუბეს, ისინი დაკავებულები არიან. ვიცი, რომ მირიანს სასიკვდილო ჭრილობა გულში აქვს", - გვიყვება სანდო წყარო.
ცნობისთვის, 28 ივლისს, დანაშაული მოხდა ცხვარიჭამიაში, სადაც დაბადების დღის აღსანიშნად შეკრებილ ახალგაზრდებს შორის დაპირისპირებას, მკვლელობა მოჰყვა. გარდაცვლილია 20 წლის მირიან კუკავა.
მკვლელობის საქმეზე შსს-მ 7 პირი დააკავა, მათ შორის არიან ირაკლი ასლანიძე, გიორგი კუჭავა და გიორგი ხორავა. ინფორმაცია უწყებამ ცოტა ხნის წინ გავრცელებულ განცხადებაში დაადასტურა. პოლიციამ დაადგინა მკვლელობის ჩამდენი პირის ვინაობა. მიმდინარეობს აქტიური ოპერატიული საგამოძიებო ღონისძიებები მისი ადგილსამყოფლის დადგენისა და დაკავების მიზნით.
ნახეთ ასევე:
- "გამწარება იცით რა არის, დაჩოქილი ღმერთს რომ ევედრები, რომ შენ მომკვდარიყავი, ოღონდ ეს ახალგაზრდა არა" - რას წერს ახლობელი ოჯახისა, ვის სახლშიც მკვლელობა მოხდა?
- "თქვეს, რომ მკვლელი და მისი სამეგობრო ისეთი ხალხია, მცირედზე შეეძლოთ აშარება. სავარაუდოდ, მირიანი მათ არც იცნობდა" - რას ჰყვება ცხვარიჭამიაში მოკლული ბიჭის მეგობარი?