"ფიქრობთ, რომ პირდაპირ ეთერში საქმეები უნდა გირჩიოთ?" - თამარ ჩერგოლეიშვილმა ინგა გრიგოლიას გადაცემა პროტესტის ნიშნად დატოვა

თამარ ჩერგოლეიშვილმა ინგა გრიგოლიას საავტორო გადაცემა "რეაქცია" პროტესტის ნიშნად დატოვა. გადაცემის წამყვანსა და ჩერგოლეიშვილს შორის უთანხმოება რესპოდენტებისთვის საეთერო დროის განაწილების თაობაზე მოხდა.

"50 წუთია ვიცდი და იქნებ, ისე დაიგეგმოთ, რომ ადამიანებმა თავიანთი სიცოცხლის ძვირფასი წუთები არ დაკარგონ." - მიმართა ჩერგოლიშვილმა გრიგოლიას, რომელიც ინტერვიუს ოპოზიციონერ პოლიტიკოსს, ნუგზარ წიკლაურს ართმევდა. ინგა გრიგოლიამ თავის მხრივ ჩერგოლეიშვილს მიუგო: "ახლა ფიქრობთ, რომ პირდაპირ ეთერში საქმეები უნდა გირჩიოთ? უკაცრავად, როგორც წავა გადაცემა, იმის მიხედვით წავა." - უთხრა ინგა გრიგოლიამ.

ამის შემდეგ ჩერგოლეიშვილმა სტუდია დატოვა და დასძინა: "ძალიან მნიშვნელოვანია, რომ იმით დავიწყოთ, რომ ადამიანებმა ერთმანეთს დროს პატივი ვცეთ".