ვალენსიაში, ხარების სირბილის ფესტივალზე, ბოლო 24 საათის განმავლობაში 3 ადამიანი გარდაიცვალა
აღმოსავლეთ ესპანეთში, ბოლო 24 საათის განმავლობაში, ხარების სირბილის ფესტივალზე 3 ადამიანი გარდაიცვალა. სამივე გარდაცვლილი ვალენსიის რეგიონალურ ტრადიციაზე bous al carrer-ზე (ხარების სირბილი) იმყოფებოდა. ხარების სირბილის ფესტივალი მთელი ესპანეთის მასშტაბით ტარდება და ამ დროს ხარები ქალაქის ქუჩებში ტრიალებენ, ხალხი კი ხშირად მათ წინ გარბის.
ცხოველების უფლებების დამცველები უკვე დიდი ხანია ჩივიან, რომ ეს ტრადიცია არა მხოლოდ ადამიანებს, არამედ ცხოველებსაც საფრთხეს უქმნის.
სამივე გარდაცვლილი მამაკაცი მძიმედ იყო დაშავებული. მელიანას მერმა განაცხადა, რომ ხარები ცხოველები არიან და ამგვარი ინციდენტის საფრთხე იქ მყოფმა ადამიანებმა კარგად იცოდნენ და ამის მიუხედავად, მაინც წავიდნენ რისკზე.
ესპანეთის ყველაზე ცნობილი ფესტივალი, სან ფერმინის ფესტივალი, რომელიც ასევე ხარების სირბილის ფესტივალია, მხოლოდ პამპლონაში, ამ წელს, 35 ადამიანის დაშავებით დასრულდა. მიუხედავად უამრავი ასეთი შემთხვევისა, ამგვარი დღესასწაულები, ვალენსიის ეკონომიკაზე ძალიან დიდ გავლენას ახდენს. 2019 წლის კვლევის მიხედვით, წლის განმავლობაში, ხარების სირბილის სეზონზე, 3 000 სამუშაო ადგილი შეიქმნა და 300 მილიონი ევრო შეემატა ბიუჯეტს.
წყარო: bbc
მოამზადა: ანა სიბოშვილმა