მარიო დრაგი იტალიის პრემიერ-მინისტრის თანამდებობიდან გადადგა
იტალიის პრემიერ-მინისტრმა მარიო დრაგიმ, ქვეყნის პრეზიდენტს, სერჯო მატარელას გადადგომის შესახებ აცნობა.
BBC-ის ინფორმაციით, პრეზიდენტმა მას პრემიერ-მინისტრის მოვალეობის შემსრულებლის პოსტზე დარჩენა სთხოვა.
მარიო დრაგის მთავრობამ კოლაფსი კოალიციის დაშლის გამო განიცადა.
ქვეყანაში ვადამდელი არჩევნების ჩატარება მიმდინარე წლის შემოდგომაზეა მოსალოდნელი.