აზერბაიჯანისა და სომხეთის საგარეო უწყებების ხელმძღვანელების თბილისში გამართულ შეხვედრას აშშ-ის სახელმწიფო მდივანი აფასებს - რას წერს ბლინკენი "ტვიტერში"
ამერიკის შეერთებული შტატების სახელმწიფო მდივანი ენტონი ბლინკენი აზერბაიჯანისა და სომხეთის საგარეო საქმეთა მინისტრების თბილისში შეხვედრას პოზიტიურ ნაბიჯად აფასებს.
ამის შესახებ განცხადება სახელმწიფო მდივანმა "ტვიტერის“ გვერდზე გააკეთა.
"აზერბაიჯანის საგარეო საქმეთა მინისტრმა ჯეიჰუნ ბაირამოვმა და სომხეთის საგარეო საქმეთა მინისტრმა არარატ მირზოიანმა თბილისში შეხვედრისას პოზიტიური ნაბიჯი გადადგეს.
პირდაპირი დიალოგი არის ყველაზე სწორი გზა აზერბაიჯანული და სომხური უთანხმოების გადასაჭრელად“ , - აღნიშნა ბლინკენმა.
შეგახსენებთ, სომხეთ-აზერბაიჯანის საგარეო საქმეთა მინისტრების შეხვედრა თბილისში 16 ივლისს შედგა.