პიტ დევიდსონი ამბობს, რომ კიმ კარდაშიანის ცოლად შერთვა სურს და მამობაზე ოცნებობს - "იმედი მაქვს, ეს ასეც იქნება"

"Saturday Night Live"-ის წამყვანი, პიტ დევიდსონი, რომელიც ამჟამად კიმ კარდაშიანს ხვდება, ამბობს, რომ ის სრულებით დარწმუნებულია, რომ კიმ კარდაშიანზე დაქორწინება სურს.

"იმედი მაქვს, რომ ასეც იქნება", - უთხრა დევიდსონმა "Hart to Heart"-ის წამყვანს, კევინ ჰარტს.

28 წლის კომიკოსის ოცნებაა "მეოჯახე კაცი" გახდეს და შვილები ჰყავდეს. "ჩემი ოცნება, რომელსაც მინდა აუცილებლად მივაღწიო, არის შვილის ყოლა. მინდა მის გვერდით ვიყო და ყველაფერი მივცე, რაც მე არ მქონია",- ამბობს დევიდსონი ინტერვიუში.

როგორც ჩანს, პიტ დევიდსონი მამობისთვის უკვე ემზადება, რადგან ის შესამჩნევად დიდ დროს ატარებს კიმ კარდაშიანის ოთხ შვილთან, რომლებიც კიმს ყოფილი ქმრისგან, ქანიე უესტისგან ჰყავს.

პიტმა ბავშვების ინიციალების ტატუც კი გაიკეთა. ტაბლოიდები წერენ, რომ კიმისა და პიტის ქორწილი არც ისე შორსაა, რადგან კიმმა აღიარა, რომ მზად არის "კიდევ ერთი ქორწილისთვის".

კარდაშიანი წარსულში 3-ჯერ იყო დაქორწინებული. ის დევიდსონს 2021 წლის ოქტომბრიდან ხვდება. პიტი მანამდე მომღერალ არიანა გრანდეზე იყო დანიშნული.

წყარო: pagesix

მოამზადა: ანა სიბოშვილმა