"საბოლოოდ ჩამოვშორდები უმდიდრესი ადამიანების სიას" - ბილ გეითსის გეგმები - რა მიზნით აპირებს ის მილიარდების დახარჯვას
მილიარდერმა ბილ გეითსმა პირობა დადო, რომ საბოლოოდ ამოეწერება მსოფლიოს უმდიდრესი ადამიანების სიიდან და თანხას იმ ფონდში გადარიცხავს, რომელიც ცოლთან, მელინდა გეითსთან ერთად დააარსა.
გეითსის თქმით, მას აქვს "ვალდებულება", საზოგადოებას თავისი რესურსები უკან დაუბრუნოს. მსოფლიოში სიმდიდრის მიხედვით რიგით მეოთხე ადამიანს ადრეც მიუცია ხალხისთვის მსგავსი პირობა, კონკრეტულად კი 2010 წელს.
ამჟამად, გეითსის ქონება 118-მილიარდ დოლარს შეადგენს, მაგრამ ის მნიშვნელოვნად შემცირდება მას შემდეგ, რაც თანხას ფონდში გადარიცხავს.
"ტვიტერზე" გამოქვეყნებულ პოსტში გეითსი წერს, რომ "გლობალური შეფერხებების" გამო, ფონდი წლიურ ხარჯებს გაზრდის და 2026 წლამდე 6 მილიარდიდან 9 მილიარდ დოლარამდე დახარჯავს.
"გლობალურ შეფერხებებში" გეითსი პანდემიას, უკრაინაში ომს და კლიმატურ კრიზისს გულისხმობს. "როცა მომავალზე ვფიქრობ, მთელი ჩემი ქონების ფონდისთვის გადაცემას ვგეგმავ. საბოლოოდ ჩამოვშორდები მსოფლიოს უმდიდრესი ადამიანების რიცხვს",- წერს Microsoft-ის თანადამფუძნებელი და დასძენს: "მე მაქვს ვალდებულება, დავუბრუნო ჩემი რესურსები საზოგადოებას ისე, რომ მათი ტანჯვა შემცირდეს და ცხოვრება გაუუმჯობესდეთ. ვიმედოვნებ, სხვა მდიდარი და პრივილეგირებული ადამიანებიც შემომიერთდებიან".
<blockquote class="twitter-tweet"><p lang="en" dir="ltr">Although the foundation bears our names, basically half our resources have come from Warren Buffett. His incredible generosity is a huge reason why the foundation has been able to be so ambitious. I can never adequately express how much I appreciate his friendship and guidance. <a href="https://t.co/at7MvJKxQv">pic.twitter.com/at7MvJKxQv</a></p>— Bill Gates (@BillGates) <a href="https://twitter.com/BillGates/status/1547235390779641857?ref_src=twsrc%5Etfw">July 13, 2022</a></blockquote> <script async src="https://platform.twitter.com/widgets.js" charset="utf-8"></script>გეითსის ფონდი მუშაობს სხვადასხვა ქვეყანაში, რათა აღმოიფხვრას ისეთი დაავადებები, როგორიცაა მალარია, გააუმჯობესოს განათლების ხარისხი და დაძლიოს ცუდი სანიტარული პირობები. 2020 წელს ითვლებოდა, რომ ბილ და მელინდა გეითსის საქველმოქმედო ფონდი, მსოფლიოში რიგით მეორე იყო სიდიდით. ფონდი ჯანდაცვის მსოფლიო ორგანიზაციის ყველაზე დიდი კერძო დონორია.
წყარო: bbc
მოამზადა: ანა სიბოშვილმა