30
მარტიდღის ზოგადი ასტროლოგიური პროგნოზი
6 და 7 ივლისს „ექსპოჯორჯიას“ მე-3 პავილიონში „კერხერის“ ინოვაციური ტექნიკის რიგით მესამე გამოფენა გაიმართა. ღონისძიების ფარგლებში, 200-მდე სტუმარს ორი დღის განმავლობაში ჰქონდა საშუალება, გაცნობოდა როგორც საყოფაცხოვრებო, ასევე შიდა და გარე გამოყენების პროფესიონალური დასუფთავების ტექნოლოგიას. ამასთან, ყველა სივრცე დეტალურად დაეთვალიერებინა, მიეღო ინფორმაცია აპარატების დანიშნულებისა და ბენეფიტების შესახებ, საკუთარი ხელით გამოეცადა თითოეული აპარატი და შეეგრძნო გერმანული ხარისხი.
„კერხერის“ ინოვაციური ტექნოლოგია სპეციალურად გერმანიიდან მოწვეულმა სტუმარმა წარადგინა, რომელიც პროფესიონალია ინდუსტრიული მტვერსასრუტების სფეროში.
ღონისძიებაზე მოწვეულ სტუმრებს შორის იყვნენ ასევე, აგრო ბიზნესისა და მსხვილი ინდუსტრიის წარმომადგენლები, დაწყებული კვების ინდუსტრიიდან, დამთავრებული მძიმე მრეწველობითა და ნავთობ პროდუქტების გადამუშავებით.
„კერხერის მიერ წარმოდგენილმა ინოვაციურმა დასუფთავების აპარატებმა ძალიან დიდი დაინტერესება გამოიწვია მოწვეულ სტუმრებში. ჩვენ უკვე მივიღეთ შეკვეთები რამდენიმე აპარატის საქართველოში ჩამოტანასთან დაკავშირებით, რადგან არსებობს ბიზნესები, რომლისთვისაც საწარმოს ტერიტორიის დასუფთავება დიდი გამოწვევაა. დღეისათვის ხომ ჰიგიენა ბიზნესში ძალიან მნიშვნელოვანია და ჩვენც გვიხარია, რომ მრავალი ბიზნესი ამ მიმართულებას განსაკუთრებულ ყურადღებას უთმობს.
ეს აპარატები გახლავთ ბიზნესისთვის. ისინი გამოიყენება როგორც უშუალოდ წარმოების პროცესში, როგორიცაა რძის და კვების პროდუქტების დამზადების შემდგომ ავზების რეცხვა, მიმდებარე ტერიტორიის დეზინფექცია, სველი წმენდით იატაკებისა და კედლების დამუშავება, ასევე, ეს აპარატები გამოიყენება შენობების, ქარხნების გარე სივრცეების დასასუფთავებლად, მენეჯმენტის და საწარმოო პერსონალის ოფისებისა და სველი წერტილების დასასუფთავებლად.
ჩვენი ტექნოლოგია უმნიშვნელოვანესია პროდუქციის მაღალი ხარისხის მისაღებად და ასევე პერსონალის უსაფრთხოებისა და ჰიგიენისთვის“,- აცხადებენ კომპანია „კერხერში“.
რაც შეეხება გამოყენების სიმარტივეს, ბრენდი ყოველწლიურად უამრავ კვლევას ატარებს, რათა თითოეული აპარატი იყოს მარტივი და კომფორტული. ყოველი აპარატის შეძენისას, კომპანიის წარმომადგენლები ადგილზე ატარებენ ტრეინინგს, აცნობენ პერსონალს მოხმარების და უსაფრთხოების წესებს და მუდმივად ხაზზე არიან დამატებითი საჭიროების შემთხვევაში.
„ჩვენი ბრენდის ასორტიმენტი საკმაოდ ფართოა და ჩვენს ყველა ტექნიკას ადგილობრივი კონკურენტი ნამდვილად არ ჰყავს. გამონაკლისია ბიზნესისთვის მშრალი მტვერსასრუტები და იატაკის მოსაწმენდი აპარატები, თუმცა ინოვაციურ ტექნოლოგიას, როგორიცაა - ინდუსტრიული მტვერსასრუტები განსაკუთრებით საშიში დაბინძურების ასაღებად, ელექტრო ცოცხები, მინის, ავზის, კასრების საწმენდი ტექნოლოგიის ანალოგი, საქართველოს ბაზარზე არ მოიძებნება“,- განმარტავენ კომპანიაში.
"კერხერის" ფირმის დასუფთავების აპარატების შეძენა მომხმარებლებს შეუძლიათ კომპანიის შოურუმებში, თბილისში - აკაკი ბელიაშვილის 167 ნომერში, ასევე საბურთალოზე, ვაჟა-ფშაველას 4 ნომერში, ქუთაისში - შოთა რუსთაველის 96 ნომერში და ბათუმში - ლუკა ასათიანის 51 ნომერში. ასევე დაინტერესებულ მომხმარებლისთვის ინფორმაცია ხელმისაწვდომია ცხელი ხაზის მეშვეობით. კორპორატიულ გაყიდვებთან დასაკავშირებლად: 0322380306
ცნობისთვის, კომპანია „კერხერი“ თითქმის 100 წელია, რაც მსოფლიო ბაზარზე მოღვაწეობს და ის არის ლიდერი დასუფთავების ტექნოლოგიის წარმოებაში.
ბრენდის ოფიციალური წარმომადგენლობა საქართველოში 2016 წლიდან ფუნქციონირებს და სხვადასხვა ბიზნესს დასუფთავების მაღალი ხარისხის ტექნოლოგიით ამარაგებს. დღეისთვის, ადგილობრივ ბაზარზე კომპანია წარმოდგენილია ოთხი ფილიალით და ოფიციალური ონლაინ მაღაზიით, რომელიც გერმანული პროდუქციის მრავალფეროვან ასორტიმენტს სთავაზობს მომხმარებელს.
R
