ჯანმრთელობის დიაგნოსტიკის ახალი შესაძლებლობები საქართველოში

„ავერსის კლინიკამ“, რომელიც ერთ-ერთი წამყვანი სამკურნალო-დიაგნოსტიკური დაწესებულებაა რეგიონში, მოსახლეობას მორიგი სიახლე შესთავაზა. პაციენტებს უკვე შესაძლებლობა აქვთ, ისარგებლონ მსოფლიოში საუკეთესო, უახლესი, Philips-ის ფირმის მაგნიტურ-რეზონანსული ტომოგრაფებით (მრტ).

ახალ ტომოგრაფებში შემცირებულია კვლევის ხანგრძლივობა, გაზრდილია გამოსახულების ხარისხი და უფრო მეტად კომფორტულია პაციენტისთვის კვლევის პროცესი. სპეციალური ტექნოლოგების საშუალებით, სხვა აპარატებთან შედარებით 50%-მდე შემცირებულია კვლევის ხანგრძლივობა და 80%-მდეა შემცირებული ხმაური კვლევის მიმდინარეობისას. აპარატს აქვს განიერი გვირაბი, რაც ჭარბწონიანი პაციენტების გამოკვლევის საშუალებას იძლევა. დამატებით კომფორტს ქმნის სპეციალური აუდიო-ვიდეო მოწყობილობა, რომლის საშუალებითაც შესაძლებელია კვლევის პროცესში სასურველი ვიდეოსა და ფილმის ყურება, აგრეთვე მუსიკის მოსმენა. მაგნიტურ-რეზონანსულ ტომოგრაფებში უახლესი პროგრამული და ტექნიკური აღჭურვილობით, პაციენტებში შემცირებულია კლაუსტროფობია და ანესთეზიის გამოყენების საჭიროება.

რაც შეეხება უშუალოდ კვლევის ხარისხს, აპარატი საშუალებას იძლევა შემცირებულ დროში, მივიღოთ უმაღლესი ხარისხის, 60%-ით კიდევ უფრო გაუმჯობესებული გამოსახულება, რაც რადიოლოგებს ეხმარება აღმოაჩინონ უმცირესი დაზიანებაც კი. ეს უპირატესობა ექიმის მიერ დაწერილ დასკვნას, კიდევ უფრო სანდოს ხდის.

ახალი მაგნიტურ-რეზონანსული ტომოგრაფების შესაძლებლობების სრულად ათვისების მიზნით, „ავერსის კლინიკამ“ მოიწვია კომპანია Philips-ის სპეციალური წარმომადგენელი, რომელმაც კლინიკის რადიოლოგებს გააცნო ყველა ის დეტალი, რაც საჭიროა ახალ აპარატებთან მუშაობისთვის. კლინიკის რადიოლოგებმა აგრეთვე აიმაღლეს კვალიფიკაცია ევროპის იმ წამყვან კლინიკებში, სადაც ასეთივე აპარატებია დამონტაჟებული.

ახალი აპარატები „ავერსის კლინიკას“ საშუალებას მისცემს, რომ რადიოლოგიურ კვლევებზე მაღალი მომართვიანობის ფონზე, გაზარდოს გამტარუნარიანობა და უფრო მეტ პაციენტს შესთავაზოს უმაღლესი ხარისხის, სანდო სამედიცინო მომსახურება.

R