შრი-ლანკაში საპროტესტო აქციები გრძელდება - დემონსტრანტები პრემიერ-მინისტრის ოფისში შეიჭრნენ, პრეზიდენტმა კი ქვეყანა დატოვა
შრი-ლანკაში საპროტესტო აქციები გრძელდება. პოლიციამ აქტივისტების მიმართ ცრემლსადენი გაზი გამოიყენა. აქტივისტები, რომლებიც ქვეყნის პრემიერ-მინისტრ რანილ ვიკრემენსინგჰეს გადადგომას ითხოვდნენ, პრემიერ-მინისტრის რეზიდენციაში შეიჭრნენ.
BBC-ის ინფორმაციით, ამ დროისათვის ასობით დემონსტრანტი რეზიდენციის შენობაში იმყოფება. იქამდე კი შრი-ლანკის პრემიერ-მინისტრმა ქვეყანაში საგანგებო მდგომარეობა გამოაცხადა. „კომენდანტის საათია“ გამოცხადებული შრი-ლანკის დასავლეთ პროვინციაში.
ცნობისთვის, მასშტაბური დემონსტრაციების ფონზე შრი-ლანკას პრეზიდენტმა გოტობაია რაჯაპაკსამ ქვეყანა დატოვა.
შრი-ლანკას კონსტიტუციის მიხედვით, ავტომატურად, 30 დღის განმავლობაში პრეზიდენტის მოვალეობას პრემიერ-მინისტრი შეასრულებს.