მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უკრაინელების საჰაერო და სარაკეტო დარტყმები რუსულ ძალებზე ხერსონის მიმართულებით, წინააღმდეგობის მოძრაობა მელიტოპოლში - რა ხდება ფრონტის ხაზზე?
10:20 / 13-07-2022
13 ივლისს, გამთენიისას, ხერსონის ოლქში უკრაინულმა ავიაციამ მოწინააღმდეგის საბრძოლო მასალის საცავებსა და პირად შემადგენლობაზე დარტყმა განახორციელა, - ინფორმაცია ოპერატიულმა სარდლობა "სამხრეთმა“ გაავრცელა.
"ჩვენმა ორმა მოიერიშე თვითმფრინავმა ხერსონის ოლქის ნოვოპეტრივკას რაიონში დარტყმა განახორციელა საბრძოლო მასალის საცავსა და მტრის კონცენტრაციაზე. ნოვოპეტრივკას მახლობლად ხერსონის რაიონში", - აღნიშნულია ინფორმაციაში.
მათივე ცნობით, სარაკეტო და საარტილერიო დანაყოფების მიერ საცეცხლე ამოცანების შესრულებისას განადგურდა 30 რუსი ოკუპანტი, ერთი ჰაუბიცა, "ურაგანის" მრავალჯერადი სარაკეტო სისტემა, 4 ერთეული ჯავშანტექნიკა, ასევე საბრძოლო მასალების ორი საცავი.
უკრაინული სააგანეტო "უნიანის" ინფორმაციით, რუსულმა ძალებმა გასულ ღამეს დაბომბეს დნეპროპეტროვსკის ოლქის სამი რაიონი, შედეგად 6000-ზე მეტი ადამიანი დარჩა ელექტროენერგიის მიწოდების გარეშე.
როგორც ცნობილია, ხერსონის მიმართულებაზე უკრაინული ძალები 12 ივლისსაც უტევდნენ. დღის შემაჯამებელ პოსტში ანალიტიკოსი გიორგი კობერიძე წერს:
"წუხელ უკრაინელებმა ხერსონის რაიონის ქალაქ ნოვა კხოვკაში ბაზირებულ რუსულ ნაწილებსა და საწყობებზე დიდი სარაკეტო იერიში მიიტანეს. საწყობი, ცოცხალი ძალა და ტექნიკა განადგურებულია. აფეთქების ტალღა ისეთი ძლიერი იყო და შემდგომ ამუნიციის დეტონაციას ისეთი შედეგები მოჰყვა, რომ ერთი კილომეტრის მასშტაბით ნგრევა გამოიწვია. დღის განმავლობაში უკრაინელებმა მეორედაც დაბომბეს რუსული სამიზნე ობიექტები, თუმცა მასშტაბი შედარებით მცირე იყო. ნოვა კახოვკა ერთ-ერთი პირველი იყო, რომლის აღებაც რუსებმა ომის პირველივე დღეს, პრაქტიკულად, სრულიად უბრძოლველად მოახერხეს. კახოვკაში მნიშვნელოვანი წყალსაცავია, რომლიდანაც სპეციალური არხით წყალი მიეწოდება ყირიმს, თუმცა ყირიმთან ახლოს უკრაინელებს გადაკეტილი ჰქონდათ იგი - ყირიმის ანექსიის გამო. ქალაქის აღება რუსებისათვის ერთ-ერთ უმთავრეს პრიორიტეტს წარმოადგენდა. ხერსონის შემდეგ რეგიონში ყველაზე მნიშვნელოვანი ქალაქი სწორედ ნოვა კახოვკაა. თუკი მოსახლეობა თავდაპირველად მცირე წინააღმდეგობით დახვდა რუსულ ჯარს, ახლა სიტუაცია ნელ-ნელა იცვლება - რუსების ქალაქში ყოფნა ქალაქის უსაფრთხოებისათვის უმთავრესი გამოწვევაა.
ხერსონის რაიონში ასევე დაიბომბა რუსული სამხედრო ნაწილები ჩერნობაევკასთან (ხერსონის გარეუბანი, აეროპორტის ტერიტორია და მისი მომიჯნავე სივრცე). შეიძლება იფიქროთ, რომ სრულიად დაუჯერებელია რუსების მხრიდან ამ ტერიტორიაზე კიდევ ერთხელ სამხედრო ტექნიკისა და ნაწილების თავმოყრა მას შემდეგ, რაც იქ 30-ჯერ მაინც გაანადგურეს რუსული ნაწილები, მაგრამ ვითარება ასე მარტივი არაა - ხერსონის დასაცავად რუსებს იარაღი და მძიმე ტექნიკა სჭირდებათ. ხერსონის მომიჯნავედ, დასავლეთისაკენ, ანუ იქიდან, საიდანაც შეტევას ელოდებიან რუსები, არის ჩერნობაევკა. სწორედ იქ უყრიან რუსები თავიანთ შემტევ და დამცავ ნაწილებსაც, რადგან სხვა ადგილი თავმოყრისათვის უბრალოდ, არ აქვთ. თუმცა ყოველ ჯერზე, რამდენჯერაც პოზიციების გამაგრება დაიწყეს რუსებმა, მისი ევაკუაცია მოუწიათ ან უკრაინელებმა გაანადგურეს ისინი. ამიტომაა, რომ რუსებს ბევრი არჩევანი არ აქვთ და გრძელვადიანად ქალაქის შენარჩუნება", - წერს ექსპერტი.
მისივე თქმით, რუსებს მათი თავდაცვის სტრატეგიის პირობებში - გაუჭირდებათ და უკრაინელები მას აუცილებლად გაათავისუფლებენ.
ამასთანავე, 12 ივლისს რუსები მთელი დღე ინტენსიურად ბომბავდნენ ხერსონის რაიონის იმ ტერიტორიას, რომლებიც უკრაინელთა კონტროლქვეშაა. რუსები ბომბავენ მომიჯნავე მიკოლაივის რაიონსაც.
"მათი სამიზნეები სამხედრო ობიექტები არაა, ისინი განურჩევლად ესვრიან ყველასა და ყველაფერს. მიუხედავად იმისა, რომ რუსებს არტილერიის მხრივ უპირატესობა აქვთ, უკრაინელები სიზუსტით ჯაბნიან მათ", - წერს გიორგი კობერიძე.
გუშინ ასევე დაიბომბა ზაპორიჟიას ოლქში მელიტოპოლის რუსული სამხედრო ბაზა. ცეცხლი მძვინვარებდა ქალაქის სამხრეთითაც, რუსული სამხედროს საწყობის მიმართულებით.
"მელიტოპოლში და მის ირგვლივ უკრაინული წინააღმდეგობის მოძრაობა აქტიურია. ისინი ან უშუალოდ ახორციელებენ თავდასხმებს რუსების წინააღმდეგ ან დაზუსტებულ კოორდინატებს აწვდიან უკრაინელებს და იქიდან საარტილერიო ან სარაკეტო იერიშის შედეგად რუსული პოზიციები ნადგურდება. ამ ფონზე რუსებმა მიიღეს გადაწყვეტილება, ჩაეკეტათ ქალაქის ყველა შესასვლელი და გასასვლელი. რთული სათქმელია, თუ ზუსტად რა იქნება შემდგომ, თუმცა რუსული ტერორი ქალაქის მოსახლეობის წინააღმდეგ ნამდვილად მოსალოდნელია...
დამატებით, დიდი რაოდენობით თვითმავალი საარტილერიო დანადგარები - "კრაბები" - ჩავიდა პოლონეთიდან უკრაინაში. როგორც აღვნიშნე, თანდათან, ხარისხობრივი თვალსაზრისით, უკრაინული არტილერია უპირატესი გახდება რუსულთან შედარებით", - წერს ექსპერტი.
12 ივლისსვე უკრაინელმა სამხედროებმა წარმატებით მოიგერიეს რუსული ჯარის რამდენიმე თავდასხმა ხარკოვის ოლქის დემენტიევკას მახლობლად და შეაჩერეს მტრის მცდელობა ბახმუტის მიმართულებით წინ წასულიყო, რის თაობაზეც ინფორმაცია უკრაინის შეიარაღებული ძალების გენშტაბმა გაავრცელა.
მათივე ცნობით, ხარკოვის მიმართულებით მტერმა დაბომბა ქალაქი ხარკოვი და დასახლებები სოსნოვკა, სტარაია გნილიცა, უკრაინკა, ზამულოვკა, პეტროვკა, ჩერკასი ტიშკი, კორობოჩკინო, პრუდიანკა, ჩერნოგლაზოვკა, კუტუზოვკა, სტარი სალტოვი, ნოვოე, ბაირაკევკა, დელომენტი.
"დამპყრობლები ცდილობდნენ უკრაინის შეიარაღებული ძალების განდევნას დემენტიევკას რაიონიდან, მაგრამ უკრაინელმა ჯარისკაცებმა წარმატებით მოიგერიეს რამდენიმე თავდასხმა მითითებულ სოფელზე და მტერი აიძულეს უკან დაეხია.
ბახმუტის მიმართულებით საარტილერიო დაბომბვა დაფიქსირდა ბერესტოვოს, სოლედარის, ვერშინას, ნოვოლუგანსკოეს, ბახმუტის, იაკოვლევკას, მაიორსკის დასახლებებში და საჰაერო დარტყმები ბერესტოვოეს, ბელოგოროვკას, ვერშინასა და იაკოვლევკას მახლობლად.
წინსვლის მცდელობისას მტერმა ზიანი განიცადა და ქაოტურად უკან დახევა დაიწყო“, - ნათქვამია ინფორმაციაში.
საინტერესოა, რომ გერმანიის მთავრობამ გამოაქვეყნა იარაღის სისტემების, აღჭურვილობის და სხვა ლეტალური და არალეტალური დახმარების სია, რომელიც უკრაინას ქვეყანაში რუსეთის შეჭრის შემდეგ გადაეცა.
შესაბამისი დოკუმენტი გერმანიის ფედერალური მთავრობის ოფიციალურ ვებ-გვერდზეა განთავსებული.
"2022 წელს გერმანიამ გაზარდა თავისი სახსრები უსაფრთხოების შესაძლებლობების გასაძლიერებლად 2 მილიარდ ევრომდე. ეს დამატებითი თანხები ძირითადად განკუთვნილია უკრაინისთვის, ასევე გერმანიის შენატანებისთვის ევროპულ სამშვიდობო ფონდში, საიდანაც შესაძლებელია ევროკავშირის წევრი ქვეყნების მიერ უკრაინისთვის გაწეული სამხედრო ზომების ხარჯების ანაზღაურება“, - აღნიშნულია ინფორმაციაში.
გერმანიის ფედერალური მთავრობის ოფიციალურ ვებგვერდზე გამოქვეყნებული სია მოიცავს : 3000 ტანკსაწინააღმდეგო ყუმბარმტყორცნ Panzerfaust 3-ს, 14 900 ტანკსაწინააღმდეგო ნაღმს, 500 ერთეულ Stinger-ის 500 ერთეულ პორტატულ სარაკეტო სისტემას, Strelar-ის 2.700 ერთეულ საჰაერო თავდაცვის სისტემას, 7 თვითმავალ Panzerhaubitze-ის ჰაუბიცას, 21.8 მილიონი ვაზნას ცეცხლსასროლი იარაღისთვის, 100 000 ხელყუმბარას, დრონის საწინააღმდეგო 10 იარაღს, 280 ერთეულ ავტომობილს (სატვირთო, მიკროავტობუსები, ყველგანმავალი მანქანები) და სხვ".
მკითხველის კომენტარები /
22 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯერ თქვენი ტერიტორიები დაიბრუნეთ უკრაინელებო და მერე რუსეთსაც ჩამოაჭერით ერთი-ორი, მაინც დიდია
დასავლეთის-გრანტიჭამიებო-რატომ-გინდათ-საქართველო-დაღუპოთ-ვერ-მოესწრებით-ვერ-გახსნით-მეორე-ფრონტს-რაცარუნდა-ბევრი-ფული-თქვლიფით-თქვე-გამყიდველებო-ვერ-მოესწრებით-ძან-ცოტანი-ხართ-ოცნებობთ-გირი-დამგვანოთ-მარიოპოლს-ერთხელ-გაკეთეთ-2008ში-ახლა-იგივე-გინდათ-დასავლეთის-ფულის-გამო.