მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ლოგიკას ვხედავ იმაში, რომ ოპოზიციას უნდა აწყობდეს არეულობა - წყნარი არჩევნების პირობებში საჭირო ხმებს ვერ აგროვებენ" - პოლიტოლოგი
18:37 / 12-07-2022
ოპოზიცია წყნარი არჩევნების პირობებში საჭირო ხმებს ვერ აგროვებს - ლოგიკას ვხედავ იმაში, რომ ოპოზიციას უნდა აწყობდეს არეულობა, - ამის შესახებ პოლიტოლოგმა რამაზ საყვარელიძემ "პალიტრანიუსის" გადაცემა "დღის ნიუსრუმში" განაცხადა.
მისი თქმით, ვინც დღეს ოპოზიციაშია, 2003 წელსაც ოპოზიციაში იყო და მაშინ ხელისუფლებაში რევოლუციური გზით მოვიდნენ, ამიტომ გასაკვირი არ იქნება "ანალოგიური სცენარი თავში რომ გაივლოს ოპოზიციამ“.
"ოპოზიცია წყნარი არჩევნების პირობებში საჭირო ხმებს ვერ აგროვებს და წესით უნდა აწყობდეს ეს ღელვა. მათ აწყობთ საპროტესტო მუხტი იმიტომ, რომ საპროტესტო მუხტმა შეიძლება მოამზადოს რევოლუციური მუხტი და რევოლუციურმა მუხტმა შეიძლება არჩევნების გზის გვერდის ავლით მიიყვანოს ეს ჯგუფი ხელისუფლებამდე.
ლოგიკას ვხედავ, რომ ოპოზიციას უნდა აწყობდეს არეულობა. რომ გავიხსენოთ 2003 წელი, „ვარდების რევოლუცია“, ის ხალხი, ვინც დღეს ოპოზიციაშია, მაშინაც ოპოზიციაში იყო, მოხდა არჩევნებთან დაკავშირებული უკმაყოფილება და მუხტის აწევა იმ დონემდე, რომ წავიდა შევარდნაძე და ამას მიჰყვა მთელი "მოქალაქეთა კავშირი" და ხელისუფლების ვაკანსია აღმოჩნდა თავისუფალი. ანალოგიური სცენარი თავში რომ გაივლოს ოპოზიციამ არ გამიკვირდება იმიტომ, რომ გამოვლილი აქვთ ეგ გზა, რევოლუციური გზით მივიდა ეს ჯგუფი ხელისუფლებაში თავის დროზე“, - განაცხადა რამაზ საყვარელიძემ.
რამაზ საყვარელიძემ გადაცემაში ევროკავშირის შემოთავაზებულ 12 პუნქტიან რეკომენდაციებზეც ისაუბრა და აღნიშნა, რომ რამდენიმე მათგანი "არაადეკვატურია“.
მაგალითად, მისი თქმით, გაუგებარია როგორ უნდა დარეგულირდეს დეპოლარიზაციის პროცესი.
"რაღაც რაოდენობა ხალხს 24 რიცხვში ეკავათ სურათები, იძახდნენ „მიშა, მიშას“, მიშა ისედაც ვერ ერევა პოლიტიკაში, მაგრამ ეს ხალხი ისევ მას მიყვება და ეს პროცესი როგორ უნდა დარეგულირდეს? ამიტომ, დეპოლარიზაციის მოთხოვნა ცოტა არაადეკვატური მოთხოვნაა. გახსოვთ ალბათ, თავის დროზე ასეთი პოლარიზაცია იყო ზვიადის მომხრეებთან და დიდხანს ესენი მიტინგებს აწყობდნენ და ზვიადი უკვე გარდაცვლილი იყო, წასული იყო პოლიტიკიდან, მაგრამ პოლარიზაცია დარჩენილი იყო“, - განაცხადა რამაზ საყვარელიძემ.
რამაზ საყვარელიძის შეფასებით, ასევე არ არსებობს კრიტერიუმები, რომლითაც დეოლიგარქიზაციის მოგვარება იქნება შესაძლებელი.
"არ გამოვრიცხავ, რომ ბიძინა ივანიშვილი რეალურად წასულია პოლიტიკიდან, მაგრამ არც იმას გამოვრიცხავ, რომ შეიძლება გარედან არაფერი გითხრან მაგრამ შინაგანმა ცენზურამ შიგნიდან იმუშაოს რაღაც პრინციპმა, რომელსაც გაატარებთ. ასეთი შინაგანი ცენზურა შეიძლება გუნდში იყოს, იმას რას უშვრებით? არ მეგულება კრიტერიუმები, რომლითაც დეოლიგარქიზაციის მოგვარება გავლენის მხრივ იყოს შესაძლებელი, ნენსი რეიგანს რეიგანზე გავლენა არ ჰქონდა? ზოგი თვლის, რომ უფრო დიდი გავლენა ჰქონდა, ვიდრე ნებისმიერს. ცოლებსაც საერთოდ გავლენა აქვთ, რა უნდა ვუყოთ მათ გავლენას? დავუშვათ მოვისროლეთ ივანიშვილი, გადავასახლეთ აფრიკაში და ამით ჩავთვალეთ, რომ მოვაშორეთ ქართულ პოლიტიკას? ვერ დარეკავს აფრიკიდან? ტელეფონი არ არის?“, - განაცხადა რამაზ საყვარელიძემ.
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სიმართლე როგორ არ სიამოვნერბთ ჩვენს თანამოქალაქე ნაც-მაცუნებს )))))
ნაც-მაცუნებო ისე კეზერაზე, ხაზარაძეზე რას ფიქრობთ ეგ ხალხი ვინ არის???
მიხუილა კი ვიცით თქვენი აზრი, რომ გაძვალტაყვებული გგონიათ რომელიც დედიკოს პენსიაზე ცხოვრობს )))))
ბატონი რამაზი ლოგიკურად მსჯელობს ნაც ნანაცრები არჩევნებში სისტემატურად მარცხდებიან და სანამ ხალხს მათი მმართველობა ახსოვს კვლავაც დამარცხდებიან, დაანონსებულ რევოლუციებს ვერ ახდენენ ხალხის მხარდაჭერა არა აქვთ, ეხლა ახალი გეგმა დასახეს ქვეყნის გარეთ მათი ევრო მხარდამჭერთა დახმარებით ოლიგარქიის წინააღმდეგ ბრძოლის საბაბით აიძულონ ქოცობა თავის ხელით ჩააბარონ სავარძლები და დააბრუნონ ხელისუფლებაში. მათ ქოცები მგონი სულელები თუ არა იმდენად უმეცარნი ჰგონიათ რომ ევროპიდან თუნდაც 300 ევროპარლამენტარის დაძახილზე ნაცნანაცრებს დააბრუნებენ და თვითონ საციხედ გაემზადებიან. ამათი დაწყნარება ძნელი წარმოსადგენია სულ ასე იკინკლავებენ სანამ ერთმანეთს არ დაჭამენ ან ვინმე უცხო დედას არ უტირებს ყველას