უკრაინის ქალაქ მიკოლაივში ძლიერი აფეთქებების ხმები ისმის,- უკრაინული მედიის ცნობით, ამის შესახებ ქალაქის მერმა, ალექსანდრე სენკევიჩმა განაცხადა.
მერმა მოსახლეობას მოუწოდა, თავშესაფრები არ დატოვონ.
ამასთან, წუხელ ძლიერი აფეთქებების ხმა ისმოდა ხერსონის ოლქის ქალაქ ნოვა კახოვკაში. ხერსონის ოლქის საოლქო საბჭოს წევრის, სერჰი ხლანის ინფორმაციით, უკრაინელმა სამხედროებმა რუსების საბრძოლო მასალის საცავი გაანადგურეს.
