მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შვილის მკვლელს პატრიარქთან შეხვედრის შემდეგ ვაპატიე. მან საოცარი სიტყვები მითხრა... ახლა დედამიწის ზურგზე არავის სიძულვილი არ შემიძლია" - ტარიელ ხარხელაური მისი ცხოვრების უდიდეს ტრაგედიაზე
17:54 / 10-07-2022
დიდი ქართველი პოეტი ტარიელ ხარხელაური მკითხველის განსაკუთრებული სიყვარულითა და პატივისცემით სარგებლობს, სწორედ ამიტომ, მედიაში მისი თითოეული გამოჩენა ყურადღების მიღმა არასოდეს რჩება.
რამდენიმე დღის წინ, იგი გადაცემა "სიცრუის დეტექტორს" სტუმრობდა, სადაც კიდევ ერთხელ ილაპრაკა მისი ცხოვრების ყველაზე დიდი ტრაგედიის, შვილის გარდაცვალების შესახებ.
პოეტის თქმით, პატრიარქმა მას მისცა ძალა, ადამიანისთვის, ალბათ, ყველაზე დიდ და გაუსაძლის ტკივილზე ამაღლებულიყო და შვილის მკვლელისთვის მიეტევებინა.
"ჩემი შვილის მკვლელს ვაპატიე. იოლი არ იყო... ეს მოხდა პატრიარქთან შეხვედრის შემდეგ. მან გამოთქვა სურვილი, რომ ჩემი შვილის ორმოცამდე, წინა დღეებში შევხვედროდი. მთხოვა, რომ მომეყოლა შვილის შესახებ. როცა ვისაუბრეთ, მითხრა: ახლა თქვენ გაცვალეთ მამა-შვილობა, ის არის მამა, შენ ხარ შვილიო. ის წავიდა შენ მაგივრად, შენ კი შენი მისია უნდა შეასრულო, რაც ამ წუთისოფელში გავალიაო. არ მქონდა უფლება ეს არ გამეკეთებინა. სხვანაირად, სხვა თვალით შევხედე და სხვანაირად მივუდექი ამ საკითხს. ახლა მე დედამიწის ზურგზე არავის სიძულვილი არ შემიძლია, მათ შორის არც ჩემი შვილის მკვლელის. მე მას პირადად არ შევხვედრივარ. 10 წელი ჰქონდა მკვლელობისთვის მისჯილი და მოიხადა. რომ ვნახო, არანაირი რეაქცია არ მექნება, ალბათ. ხევსურებს ასეთი წესი გვაქვს, თუ მკვლელი სასჯელს იხდის, შენ შურისძიების უფლება არ გაქვს. სისხლის დანახვა ჩემთვის საშინელებაა. ცხვარში ვიარე 12 წელი და ცხვარი არ დამიკლავს, ქათამი არ დამიკლვას, ერთადერთი ტოროლა შემომაკვდა შემთხვევით და ის მაქვს სანანებლად, იმ ფრინველის ვალი მაქვს, იმის ცოდვა მაწევს." - თქვა ტარიელ ხარხელაურმა.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაცი იძახის ვაპატიეო და ვისი რა საქმეა რას იზავს ეს კაცი და რას არა
ასეთი ხალხის არ მწამს და წერტილი!