მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მუდმივი შიშის ქვეშ ცხოვრება თავის კვალს ტოვებს ადამიანებზე" - ჩეჩნეთში, ინგუშეთსა და დაღესტანში ანტიდეპრესანტების მოხმარების საგანგაშო დონეზე საუბრობენ
13:26 / 10-07-2022
რუსეთში ანტიდეპრესანტებისა და ფსიქოტროპული მედიკამენტების მოხმარების მხრივ, ჩრდილოეთ კავკასიის რეგიონი პირველ ადგილზეა. ჩეჩნეთი და დაღესტანი რუსეთის 10 რეგიონის პირველ სამეულში არიან. ბოლო ექვსი თვის განმავლობაში რეგიონის მცხოვრებლებმა რეკორდული რაოდენობის მედიკამენტები მოიხმარეს.
kavkaz-uzel.eu-ს ცნობით, "პერსპექტიული ტექნოლოგიების კვლევითი ცენტრის" მიერ მომზადებული სტატისტიკის თანახმად, რომელიც მონაცემთა გაციფრულებაზე მუშაობს, 2022 წლის იანვარ-ივნისში ჩრდილოეთ კავკასიის სამ რესპუბლიკაში მოქალაქეების მიერ შეძენილი მედიკამენტები დაახლოებით ასე გადანაწილდა - მხოლოდ ჩეჩნეთში, 10 ათას ადამიანზე ძლიერი ანტიდეპრესანტის 100-მდე შეფუთვაა გამოყენებული, დაღესტანში იმავე რაოდენობის ადამიანზე 228, ინგუშეთში კი - 212.
ორგანიზაციის წარმომადგენელთა თქმით, ჩეჩნეთში ბევრად ძნელია ინფორმაციის მოპოვება და სწორედ ამით აიხსნება აღნიშნულ სტატისტიკაში დანარჩენ ორზე დაბალი მაჩვენებელი.
გამოცემა წერს, რომ 3 ივნისს რუსეთის რეგიონების ყველაზე დაბალი შემოსავლების მქონე ხუთეულში სწორედ ეს ქვეყნები ლიდერობდნენ. უმუშევრობისა და დაბალი შემოსავლების კუთხით, ამ სამი რეგიონის შემდეგ ჩამონათვალში არიან, ჩრდილოეთ ოსეთი და ყარაჩაი-ჩერქეზეთი.
ადგილობრივების თქმით, სრულებით არ არის გასაკვირი, ჩრდილოეთ კავკასიის რეგიონში ანტიდეპრესანტებისა და ფსიქოტროპულების მიმართ ასეთი დამოკიდებულება. ადამიანები უპერსპექტივობას გრძნობენ, არაფრის შეცვლის იმედი არ აქვთ, უმუშევრობა ძალიან მაღალია.
"დაღესტანსა და ინგუშეთშიც ვითარებას ჩეჩნეთის ლიდერი აკონტროლებს და შესაბამისად, სამივე რეგიონში ერთნაირი ვითარებაა. ახლა სამივე რეგიონში ერთი პროფესია არსებობს - სამხედრო საქმე. ჩეჩნეთში გუშინ ახალი ბატალიონის შექმნის შესახებ გახდა ცნობილი, სადაც 1800 მდე ადამიანი უნდა ჩაირიცხოს. დასახელებული რიცხვი სამივე რეგიონის მოსახლეობიდან უნდა შეივსოს. ამ რეალობაში კი, ანტიდეპრესანტებით თვითნებური მკურნალობა სულაც არ არის მოულოდნელი და მით უფრო, გასაკვირი", - წერს ერთ-ერთი ინტერნეტომხმარებელი.
"ანტიდეპრესანტებით მკურნალობა ახლა არ დაწყებულა, წლებია ასე გრძელდება, ეტყობა, ახლა ჩაატარეს კვლევა. ჩრდილოეთ კავკასიის რეგიონის მოსახლეობა ყველა გზით ცდილობს საცხოვრებელი ადგილის დატოვებას. ცდილობენ მექსიიდან ამერიკაში გადავდნენ, რისკავენ სიცოცხლით, ჯანმრთელობით, იქაურ ციხეში ხვდებიან, მაგრამ მაინც იქ ყოფნა ურჩევნიათ დაღესტანში, ინგუშეთში, ან ჩეჩნეთში დაბრუნებას.
ასე რომ, ფსიქოლოგიური და ფსიქიატრიული პრობლემები, პლუს სოციალურად არასტაბილური ვითარება, დაბალი შემოსავალი, ან სულაც უმუშევრობა არის ანტიდეპრესანტების მასობრივად გამოყენების მიზეზი. მუდმივი შიშის ქვეშ ცხოვრება თავის კვალს ტოვებს ადამიანებზე", - მიაჩნია ეველინ აბდუსაროვას.
"ჩრდილოეთ კავკასიაში ადამიანებს იდენტობის გამოხატვა არ შეუძლიათ. იქ სექსუალურ უმცირესობას თავიანთი "სამედიცინი მეთოდებით მკურნალობენ", ძლიერ დამამშვიდებელს ასმევენ, სასულიერო პირებთან მიჰყავთ, რომლებიც "ულოცავენ, უწმინდურის განსანდევნად", ეს არის რეალობა", - მიაჩნია "ჯონი ლოუს~"
"პოლიციასა და შეიარაღებულ ძალებში დასაქმების გარდა, ადგილობრივების ერთადერთი შემოსავალი ტურიზმი იყო და ახლა იმასაც მიადგნენ - ტურისტებს დრესკოდს უწესებენ, სთხოვენ ქუჩაში არ მოწიონ და მოკრძალებული ტანისამოსი ჩაიცვან. იმ შეთმხვევაში თუ ისინი "შესაბამისად" არ შეიმოსებიან, გიდის დაჯარიმებას ითხოვენ. ასეთ ფონზე ანტიდეპრესანტები რა მოსატანია?!" - წერს "სულეიმან ჩეჩენი."
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
