"სირცხვილია“ და "ნაცმოძრაობა“ ვერ შეთანხმდნენ იმაზე, "ნაცმოძრაობა“ უფრო სირცხვილია თუ "სირცხვილია" უფრო სირცხვილია" - გურამ მაჭარაშვილი
"სირცხვილია“ და "ნაცმოძრაობა“ ვერ შეთანხმდნენ იმაზე, "ნაცმოძრაობა“ უფრო სირცხვილია თუ "სირცხვილია" უფრო სირცხვილია - აქციებს იმ სახელწოდებასთან, რაც დაარქვეს - "შინ ევროპისკენ“, არაფერი აქვს საერთო, უნდა ერქვას "შინ ხელისუფლებისკენ“, - ამის შესახებ საპარლამენტო უმრავლესობის წევრმა გურამ მაჭარაშვილმა ჟურნალისტებთან განაცხადა.
ამასთან, მაჭარაშვილმა არასამთავრობო სექტორი პოლიტიკური განცხადებების გაკეთების გამო გააკრიტიკა. დეპუტატი მიიჩნევს, რომ არასამთავრობო სექტორის წარმომადგენლებს პოლიტიკური მესიჯები არ უნდა ჰქონდეთ.
"სირცხვილია" ამბობს, რომ "ნაცმოძრაობის" ლიდერების გამოსვლა აქციებზე სირცხვილია, "ნაცმოძრაობა" ამბობს, რომ "სირცხვილიას" ქმედებებია ამ აქციებზე სირცხვილი. შესაბამისად, საზოგადოებამ ერთი რამე გაიგო მხოლოდ, რომ "ნაცმოძრაობა" სირცხვილია. საზოგადოებამ დაინახა, რომ "ქართულმა "ოცნებამ" გეგმა დადო, შეხვედრებია ჩანიშნული ოპოზიციასთან თუ არასამთავრობო სექტორთან, რაც უკვე მოიწონეს ყველაზე კრიტიკულად განწყობილმა ევროპარლამენტარებმაც კი. საზოგადოება ხედავს, რომ აქციებზე აშკარა გახდა პოლიტიკური მიზანი. არასამთავრობო სექტორს იმიტომ ჰქვია არასამთავრობო სექტორი, რომ ის არის აპოლიტიკური, ბოლო დროს საზოგადოებამ მშვენიერი პოლიტიკური მესიჯები გაიგო მათგან, რაც იმას ნიშნავს, რომ ამ აქციებს იმ სახელწოდებასთან, რაც დაარქვეს - "შინ ევროპისკენ" არაფერი საერთო არ აქვს, არამედ უნდა ერქვას "შინ ხელისუფლებისკენ", რადგან უკან სურთ ხელისუფლებაში დაბრუნება, ამას აღარც მალავენ და სწორედ ამიტომ გამოაცხადა საზოგადოებამ პროტესტი, რომ ეს აქციები იყო არა "შინ ევროპისკენ", არამედ შინ ხელისუფლებისთვის","- განაცხადა მაჭარაშვილმა.