მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ერთი ეროვნული გამოცდა აქაც უნდა ჩავაბაროთ - აქ გავათიოთ ღამე" - შოთა დიღმელაშვილის თქმით, რუსთაველის გამზირზე დილამდე დარჩებიან, სამოქმედო გეგმას კი საზოგადოებას ეტაპობრივად გააცნობენ
22:38 / 03-07-2022
ერთი ეროვნული გამოცდა უნდა ჩავაბაროთ აქაც - ეს ეროვნული გამოცდა იქნება დავრჩეთ აქ დილამდე, გავათიოთ ღამე და გზაში გეტყვით, როგორ მივაღწევთ შედეგს, - ამის შესახებ პარლამენტის წინ მიმდინარე აქციის "შინ ევროპისკენ, წინ ევროპისკენ“ აქციის ერთ-ერთმა ორგანიზატორმა, შოთა დიღმელაშვილმა განაცხადა.
როგორც დიღმელაშვილმა აღნიშნა, გეგმის ერთ ნაწილს აქციის ორგანიზატორები დაახლოებით ნახევარ საათში იტყვიან, რადგან მისივე თქმით, გეგმის სრულად გამხელა საფრთხეში აგდებს ამ გეგმის წარმატებას.
"ადამიანებს აქ აინტერესებთ გეგმა, რომელსაც ეტაპობრივად გაგიმხელთ, რადგან სრული გამხელა საფრთხეში აგდებს ამ გეგმის წარმატებას. ამიტომ ნახევარ საათში გეტყვით გეგმის ერთ ეტაპს. ახლა რაც შემიძლია სრულ გეგმაზე გითხრათ - ხვალ დილით ხომ არის საქართველოს ეროვნული გამოცდები, ჰოდა, ერთი ეროვნული გამოცდა უნდა ჩავაბაროთ აქაც - ეს ეროვნული გამოცდა იქნება დავრჩეთ აქ დილამდე, გავათიოთ ღამე და გზაში გეტყვით როგორ მივაღწევთ შედეგს. შეგიქმნით ყველა კომფორტს იმისთვის, რომ თქვენი აქ ყოფნა ღამე იყოს მაქსიმალურად გადასატანი, მაგრამ მგონი, შეგვიძლია ერთი ღამე გავათიოთ აქ საკუთარი ქვეყნისთვის იმიტომ, რომ შეიძლება მერე ბევრი ღამის გათევა მოგვიწიოს სხვა ქვეყანაში. ჯობია საკუთარ ქვეყანაში გავათიოთ ეს ერთი ღამე“, - განაცხადა დიღმელაშვილმა.
დიღმელაშვილის გამოსვლის პარალელურად აქციის მონაწილეები გეგმის წარდგენას ითხოვდნენ.
დიღმელაშვილის განცხადებით, ადამიანები, რომელთაც უკვე მრავალი დაპირება არ შეასრულეს, ევროკავშირის მოთხოვნებსაც არ შეასრულებენ, ამიტომ ეს საქმე დროებითმა ეროვნულმა მთავრობას უნდა ითავოს.
"ვითომ რაღაც სატყუარა გადმოგვიგდეს, რაღაც კომიტეტები შევქმნათო კობახიძემ თქვა, რა კომიტეტები უნდა შექმნას იმ კაცმა, ნახევარი იმ 12 პუნქტიდან აწერია იმ იურიდიულ კომიტეტს, რომლის თავმჯდომარეც არის ანრი ოხანაშვილი. ადამიანმა, რომელმაც ორი დღის წინ მედიის წარმომადგენელი ამერიკის საელჩოში სცემა, უნდა გაგვიკეთოს დეპოლარიზაცია, მაგან უნდა შეგვისრულოს ეს. ბევრი კომიტეტები გვინახავს, საპარლამენტო კომიტეტები, რომელსაც ძალიან მძიმე საქმეების გამოძიება ევალებოდა, გამოიძიეს კიდეც, მაგრამ მოყვა რამე სამართლებრივი მცდელობა? არ მოჰყოლია. გვინახავს ბევრი დაპირება, პროპორციული არჩევნების, სამი წლის წინ, რომელსაც თქვენ და საერთაშორისო საზოგადოებას დაჰპირდნენ, მაგრამ გადაგვაგდეს.
ადამიანები, ვინც რომლებიც ეს ყველაფერი გააკეთა გვეუბნებიან, რომ გააკეთებენ რაღაც კომიტეტს და 29 ნოემბერს რაღაც მოსმენას ჩანიშნავენ და ამით გვეშველება, თქვენი მოსატყუებელი კბილი ჩვენ უკვე ამოვიღეთ. ამიტომ ჩვენ გვაქვს მოთხოვნა, ეროვნული თანხმობის მთავრობა, რომელიც დაკომპლექტდება სრული კონსენსუსის პრინციპით, სადაც სრული კონსენსუსი გულისხმობს თანხმობას და ეს ავტომატურად აგვარებს 2 პუნქტს 12-დან, დეპოლარიზაციას და დეოლიგარქიზაციას. ეს მთავრობა ატარებს 5 თვეში ყველა რეფორმას, რაც საჭიროა რომ მივიღოთ კანდიდატის სტატუსი”, - განაცხადა შოთა დიღმელაშვილმა.
შოთა დიღმელაშვილი მოუწოდებს ოპოზიციას, პარლამენტში მხოლოდ იმ შემთხვევაში შევიდნენ, თუ არასამთავრობო ორგანიზაციების მიერ შემოთავაზებული სამოქმედო გეგმის განხილვა მოხდება.
"დღეს არასამთავრობოები გამოვიდნენ ბრიფინგით და წარადგინეს ამ 12 პუნქტის შესრულების სამოქმედო გეგმა, არავითარი კომიტეტები ამას არ ჭირდება, უბრალოდ ჭირდება კანონად დაწერა და ხმის მიცემა, მოვუწოდებ ოპოზიციას, მხოლოდ ამ სამოქმედო გეგმისთვის აღირსონ საკუთარი ყურადღება ამ პარლამენტს, ხოლო მოვუწოდებ მთავრობას, გადადგეს”, - განაცხადა შოთა დიღმელაშვილმა
მისივე თქმით, სახალხო მოძრაობა იმისათვის, რომ აიძულოს ხელისუფლება შეასრულონ მოთხოვნები, გამოიყენებს არაძალადობრივი წინააღმდეგობის „ყველა იარაღს”.
"მე მინდა ხაზი გავუსვა, რომ არაძალადობრივი წინააღმდეგობის არსენალში არის ძალიან ბევრი იარაღი და ჩვენ ყველა ამ იარაღს გამოვიყენებთ, როგორც გამოიყენებს სერბეთში, უკრაინაში და გამოიყენეს ყველგან, სადაც დაამხეს ავტორიტარიზმი არაძალადობით, ჩვენ ამას ვიზამთ, თუ იქნებით ჯიუტები”, - განაცხადა შოთა დიღმელაშვილმა
როგორც დიღმელაშვილმა აღნიშნა, ხელისუფლებისთვის წაყენებული ულტიმატუმის ვადა დაახლოებით ერთ საათში იწურება.
"შემდეგი ნაბიჯი ჩვენი გეგმის არის გადაადგილება მთავრობის სახლისკენ, მაგრამ ეს არ ხდება ახლა. აქ გვაქვს მოწყობილი ინფრასტრუქტურა იმისთვის, რომ ეს ღამე მშვიდობიანად წყნარად გავატაროთ. იქნება თავშესაქცევები. ეს დრო გამოვიყენოთ იმისთვის, რომ ვესაუბროთ მშვიდად ერთმანეთს, ჩვენს მეგობრებს, ვესაუბროთ მათ, ვინც ჩვენს დასაცავად არის მოსული. ძალაუფლება დგას მორჩილებაზე და სადღაც ეს მორჩილების ჯაჭვი გაწყდება.
საჯარო მოხელეები, პოლიციელები არიან ჩვენი ძმები, ჩვენ უნდა ვიურთიერთოთ მათთან, ვესაუბროთ მათ და მოვა დრო ვიამაყებთ მათით. ახლა ჩვენ ვთქვით, რომ თუ ხელისუფლება არ ასრულებს ჩვენ დაყენებულ პირობას, პრინციპში, მათ მათ აქვთ საათი და 15 წუთი, სანამ 4 ივლისი დადგება. ჩვენ სამ ივლისამდე გვქონდა დაყენებული ულტიმატუმი. რაღაც ისეთი გრძნობა გვეუფლება, თითქოს ისინი კომფორტში არიან. ჩვენ აქ ვიკრიბებით, მაგრამ რამდენიც არ უნდა შევიკრიბოთ, მათთვის არაფერი იცვლება. ამიტომ დილით ჩვენ ყველანი წავალთ ძალიან მშვიდობიანად, შემოვევლებით "ქაჯეთის ციხეს“, მჯდომარე პროტესტით დავხვდებით მთავრობას, დავხვდებით ღარიბაშვილს და შევასმენთ ჩვენ ხმას, რახან აქედან არ ესმით. ეს არის ჩვენი არაძალადობრივი მშვიდობიანი გამოხატვა. მივალთ დილით და ავუხსნით რაც აქედან ვერ ავუხსენით. ჩაგვხედოს თვალებში და გვითხრას, რატომ მიჰყავს ქვეყანა რუსეთისკენ“, - განაცხადა დიღმელაშვილმა.
ასევე იხილეთ:
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღამე მანდ თაკო ლეიბიანი თუ დაჩება თქვენთან ერთად )))))
და მერე აუსრულე დიღმელ თაკოს თავისი ფანტაზიები პროსპექტზე ))))
კარგად ჩააბარე. მიდი მასე, ........ შორს გაფრინდები