მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მუსიკა ათავისუფლებს - Tbilisi Open Air 2022 დასრულდა
18:44 / 30-06-2022
ამიერკავკასიის ყველაზე დიდი მუსიკალური ფესტივალი, ორ წლიანი პაუზის შემდეგ დაბრუნდა. წელს Tbilisi Open Air 24 ივნისს დაიწყო და სამი დღის განმავლობაში, Lisi Wonderland-ში თავისუფლებისა და მუსიკის მოყვარული უამრავი ადამიანი გააერთიანა.
2022 წელს, ორწლიანი პაუზის შემდეგ გამართული Tbilisi Open Air განსაკუთრებული იმითაც აღმოჩნდა, რომ მსმენელს შესაძლებლობა ჰქონდა, რუსეთ-უკრაინის ომის მიმდინარეობის პარალელურად, თბილისში გამართულ ფესტივალზე გამოეხატათ უკრაინის მიმართ მხარდაჭერა. აღსანიშნავია, რომ გაყიდული ბილეთებიდან შემოსული თანხის ნაწილი გადაირიცხა უკრაინის დასახმარებლად შექმნილ ფონდში.
„თავისუფლება - სწორედ ესაა ის უმთავრესი იდეა, რომლის გარშემოც ყოველწლიურად ათეულობით ათასი ადამიანი ვიკრიბებით. სამწუხაროდ, ჩვენთვის ყველაზე მნიშვნელოვანი ღირებულება დღეს უდიდესი საფრთხის წინაშეა. ამ საფრთხის მიზეზი რუსეთია. ქვეყანა, რომელიც არნახული სისასტიკით ესხმის თავს ჩვენს მოძმე უკრაინას და მასთან ერთად მთელ ცივილიზებულ სამყაროს.
ჩვენ სრულ მხარდაჭერას ვუცხადებთ უკრაინასა და უკრაინელებს - ამ არაჩვეულებრივ, მებრძოლ და მამაც ხალხს.” - განაცხადეს ფესტივალის ორგანიზატორებმა.
Lisi Wonderland-ში ოთხ სცენაზე, ჯამში 70 -მდე შემსრულებელი წარდგა მსმენელის წინაშე. ფესტივალის ჰედლაინერები იყვნენ: ამერიკული ბენდი CIGARETTES AFTER SEX, ბრიტანული ინდი როკ ჯგუფი ALT-J და უკრაინული როკბენდი - OKEAN ELZY. სცენაზე ასევე ვიხილეთ, KONOBA, RHYE, MOLCHAT DOMA. ამასთან ერთად, ელექტრონული მუსიკის ცნობილი შემსრულებლები.
ფესტივალის პირველი დღე განსაკუთრებული ხალხმრავლობით გამოირჩეოდა, რომლის მთავარი ჰედლაინერი, პოპულარული ამერიკული ბენდი CIGARETTES AFTER SEX იყო.
Tbilisi Open Air-ის პირველი ორი დღის განმავლობაში, მთავარი სცენიდან უკრაინის მხარდამჭერი ბევრი მესიჯი გაჟღერდა, მათ შორის, ბრიტანული ბენდის, Alt-J-ის წევრმა, გას უნგერ-ჰამილტონმა გამოხატა უკრაინელი ხალხის მიმართ თანადგომა და გამარჯვება უსურვა მათ. თუმცა, ფესტივალის მესამე დღე გამორჩეული და განსაკუთრებულად ემოციური იყო, როდესაც მსმენელის წინაშე, ლეგენდარული უკრაუნული როკ ჯგუფი Okean Elzy წარდგა.
Tbilisi Open Air -ზე Okean Elzy -ს ვოკალისტმა, სვიატოსლავ ვაკარჩუკიმ, მსმენელს მადლობა გადაუხადა უპირობო მხარდაჭერისთვის და თქვა, რომ ბენდის კარიერაში, ეს ერთ-ერთი ყველაზე მნიშვნელოვანი საღამო იყო, რადგან ისინი პირველად გამოჩდნენ მრავალათასიანი მსმენელის წინაშე მას შემდეგ, რაც რუსეთი უკრაინაში შეიჭრა. თბილისში გამოსვლით, ჯგუფმა დაიწყო ევროპული ტურნე, რომლითაც ისინი უკრაინას დაეხმარებიან.
უკრაინის დროშებით მისულ მსმენელს, ვაკარჩუკიმ ქართულად „თბილისო“ უმღერა, რაც ქართველი და უკრაინელი ხალხის მტკიცე მეგობრობის კიდევ ერთი მნიშვნელოვანი გამოხატულება იყო. მანამდე კი, ჯგუფმა თითქმის ყველა ცნობილი ჰიტი შეასრულა - მათ შორის, ომის პერიოდში დაწერილი სიმღერა, რომელიც მათ მარიუპოლის მცველებს მიუძღვნეს.
ვაკარჩუკიმ სცენიდან მსმენელს კიდევ ერთი დასამახსოვრებელი მესიჯით მიმართა: „უკრაინა და საქართველო მალე გახდებიან ევროპული ოჯახის სრულფასოვანი წევრები.“
„მადლობა მათ, ვინც არ არის ვალდებული ჩამოვიდეს ჩვენს ქვეყანაში, მაგრამ ისინი ჩამოდიან და რისკავენ თავის სიცოცხლესა და ჯანმრთელობას. ისინი მნიშვნელოვან როლს თამაშობენ, რუსულ აგრესიასთან ბრძოლაში, ჩვენ ვგრძნობთ, რომ ეს მხარდაჭერა ამბობს ძალიან ბევრს. ყველაზე მეტად მადლიერება მინდა გამოვხატო, ომში მონაწილე ჯარისკაცებისა და მოხალისეების მიმართ. პატივს ვცემ და ვიზიარებ ყველა დაღუპულის ოჯახის მწუხარებას.“ - განაცხადა მედიასთან ინტერვიუში სვიატოსლავ ვაკარჩუკიმ.
Tbilisi Open Air -ზე უცხოელ მუსიკოსებთან ერთად, ქართველ არტისტებსაც დაეთმოთ სცენა, მათ შორის იყვნენ: Killages, BEDFORD FALLS, MOKUMOKU, არა, EKO & VINDA FOLIO, წერილი და სხვა.
Tbilisi Open Air -ის დაწყების დღეს, რუსთაველის გამზირზე, ცნობილი აქცია „შინ ევროპისკენ“ გაიმართა, რომელსაც ფესტივალის სტუმრები და მუსიკოსებიც უცხადებდნენ მხარდაჭერას. Eko & Vinda- ს კომპოზიციის „აგურით ხელში“ შესრულების დროს, ერეკლე დეისაძემ ორიგინალი ტექსტი შეცვალა ფრაზით: „რევოლუცია მარტივად იწყება შენში, როდესაც დგახარ ევროკავშირის კართან...“
„ფესტივალის მნიშვნელობა, პირველ რიგში, განისაზღვრება უამრავი მსმენელით, რომელიც ამინდის მიუხედავად, სტუმრობს ლისი ვანდერლენდს. ფესტივალის კონცეფცია ყველა ჟანრის მსმენელის გემოვნებაზეა გათვლილი და ისინი მუსიკის ყველაზე გულწრფელი მომხარებლები არიან. ფესტივალზე განთავსებული სთეიჯების მრავალფეროვნება კი ყველა მელომანს თავის თავს აპოვნინებს.“ - გვითხრა ერეკლე დეისაძემ.
Tbilisi Open Air არის სივრცე, სადაც განსხვავებულ ადამიანებს შეუძლიათ თანაცხოვრება. ფესტივალს ელოდებიან და ყოველწლიურად უფრო მეტი სტუმარი ჩამოდის მეზობელი ქვეყნებიდანაც. Open Air 2022 განსაკუთრებით ბევრი მსმენელის დასწრებითაც გამოირჩეოდა.
„2 წლიანი პანდემიით გამოწვეული იძულებითი პაუზის შემდეგ, Tbilisi Open Air დაბრუნდა. ფესტივალის იდეა დგას თავისუფლებაზე და წელს ყველა ერთად, კიდევ ერთხელ ხაზს ვუსვამთ თავისუფლების მნიშვნელობას, ჩვენი სლოგანიც - „მუსიკა ათავისუფლებს“ ამის გამოხატვაა. წელს Open Air-ს უპრეცედენტოდ ბევრი მსმენელი ესწრება, რაც ჩვენთვის დამატებითი სტიმული და პასუხისმგებლობაა შემდეგი წლის ფესტივალის დაგეგმისთვის.“ - გვითხრა Tbilisi Open Air-ის წარმომადგენელმა, სოფო ებრალიძემ.
#SlavaUkraine
#SupportUkraine
#TOAforUkraine
#MusicBreaksFree
ავტორი: თეკლე ჯანელიძე
ფოტო: ვანო გორგიშვილი
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მუსიკა თუ ათავისუფლებს, რას გახვეულან უკრაინის დროშებში
ყველას საფესტივალო განწყობა გვაქვს, მაშ!