“გუშინ ვნახეთ ჩემი კოლეგა ქალი დეპუტატის, სხვათაშორის ორსულის, მიმართ ზიზღის კამპანია და რის გამო?” - რას წერს ნინო წილოსანი მარიამ ლაშხზე?
"ქართული ოცნების" წევრის, მარიამ ლაშხის გუშინდელ გამოსლას პარლამენტში დიდი გამოხმაურება მოჰყვა. ვიდეო, რომელშიც უმრავლეობის წევრი პოლიტიოსი პრემიერ ირაკლი ღარიბაშვილის "თმენისთვის" და ქვეყნის "ეროვნული ინტერესის მტკიცედ დაცვისთვის" მადლობას უხდიდა, სოციალურ ქსელში ვირუსულად გავრცელდა.
აღნიშნულ ფაქტს სოციალურ ქსელში ეხმაურება უმრავლესობის კიდევ ერთი წევრი, ნინო წილოსანი. მისი თქმით, გუშინ საზოგადოებამ მარიამ ლაშხის მიმართ "შეურაცხყოფების და ზიზღის კამპანია" იხილა.
"გუშინ ვნახეთ ჩემი კოლეგა ქალი დეპუტატის (სხვათაშორის ორსულის) მიმართ შეურაცხყოფების და ზიზღის კამპანია, და რის გამო? მიზეზი მხოლოდ ემოციის გამოხატვის ფორმა გახდა.. ამას მოყვა მთელი მისი აქტივობების გადასინჯვა, ქილიკი, საერთოდ უსაფუძვლო, ცუნამივით გადავლა კომენტარებში სამწუხაროდ მედია და ჟურნალისტები განსაკუთრებით აქტიურობდნენ, ადამიანები, რომლებიც პირველები უნდა გმობდნენ ქალის მიმართ ასეთ და მსგავსი მიზეზებით თავდასხმებს" - წერს წილოსანი "ფეისბუქში".
ასევე იხილეთ: ~