მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ მოვემზადოთ მნიშვნელოვანი ღონისძიებისთვის - 5 რჩევა, რომ ყველაფერმა იდეალურად ჩაიაროს
11:35 / 21-06-2022
მნიშვნელოვანი ღონისძიების წინა დღეებში ღელვა და შფოთვა სრულიად ბუნებრივი მოვლენაა. არსებობს რამდენიმე რჩევა იმაზე, თუ როგორ უნდა აიყვანოთ თავი ხელში, როცა რაღაცის გეშინიათ ან ძალიან ნერვიულობთ.
1. მოემზადეთ ფსიქოლოგიურად
ძლიერ ემოციებთან სიფრთხილე გმართებთ, რადგან მათ არასასიამოვნო სიმპტომების გამოწვევა შეუძლიათ. რაც უფრო მეტად ნერვიულობთ, მით უფრო ძლიერად ოფლიანდებით, იზრდება არტერიული წნევა, გიკანკალებთ ხელები, გავიწყდებათ სიტყვები. მარტივად რომ ვთქვათ, ორგანიზმი სტრესს განიცდის. მნიშვნელოვანი დღის წინ, სასურველია 2-3 დღით ადრე, გააკეთოთ მარტივი ვარჯიშები სახლში: მაგალითად, დადექით სარკის წინ და ილაპარაკეთ. დააკვირდით საკუთარ ჟესტიკულაციას, მანერებს. ისაუბრეთ მშვიდად და აუღელვებლად. აუცილებლად გაიღიმეთ - ღიმილი ფსიქოლოგიურად მოგიხსნით დაძაბულობას. შეგიძლიათ მიიღოთ მსუბუქი მცენარეული დამამშვიდებელი საშუალებაც.
2. თავი დაიზღვიეთ უსიამოვნო მომენტებისგან
თუ ცხიმიანი კანი გაქვთ, დიდი რისკია, მნიშვნელოვან დღეს გაგიფუჭდეთ მაკიაჟი და სახემ პრიალი დაიწყოს. ამიტომ, წინა დღეს, დაძინებამდე ჩაიტარეთ სახის რუტინა. სკრაბით გაიწმინდეთ კანი და აუცილებლად სპეციალური, ცხიმიანი კანისთვის განკუთვნილი საშუალებები გამოიყენეთ.
ასევე, თუ მიდრეკილი ხართ ჭარბი ოფლიანობისკენ, უფრო მაღალია რისკი იმისა, რომ ღონისძიებაზე გაოფლიანდეთ. ამიტომ, ძილის წინ სხეულის პრობლემური ზონები დაიბანეთ, კარგად გაიმშრალეთ და მიიპკურეთ ოდაბან სპრეი. ის ძალიან ეფექტური საშუალებაა ჭარბი ოფლიანობის და არასასიამოვნო სუნის საწინააღმდეგოდ.
მნიშვნელოვან ღონისძიებაზე გაოფლიანება უკანასკნელი რამაა, რაც გჭირდებათ. შუბლზე ოფლის წვეთები და იღლიებთან სველი ლაქები საზოგადოების წინაშე არასაკმარისად თავდაჯერებულ პერსონად წარმოგაჩენთ. ამ პრობლემის მოსაგვარებლად წინა საღამოს ოდაბან სპრეი გამოიყენება. ოდაბან სპრეის გამოყენების შემდეგ არ დაგავიწყდეთ მეორე დილით დამუშავებული ზონის გრილი წყლითა და საპნით ჩამობანა.
3. გამოიძინეთ!
შეშუპებული თვალის უპეების და თვალების ირგვლივ სილურჯის დასაფარად შესაძლოა მაკიაჟი არ აღმოჩნდეს საკმარისი. ეცადეთ კარგად გამოიძინოთ მნიშვნელოვანი ღონისძიების წინა ღამეს. ძილის წინ მიიღეთ აბაზანა, მოუსმინეთ მშვიდ მუსიკას და ეცადეთ არ იფიქროთ მარცხზე. წარმოიდგინეთ, როგორ ჩაივლის ღონისძიება. თუკი მნიშვნელოვანი სიტყვა უნდა თქვათ, გონებაში წარმოიდგინეთ დეტალურად, როგორ და რას ამბობთ და როგორ გიკრავენ ტაშს. სასურველია 8-9 საათი დაიძინოთ, რათა ორგანიზმმა მელატონინი გამოიმუშაოს და დილით დასვენებული გონებით და ენერგიით სავსემ გაიღვიძოთ.
4. რამდენიმე დღით ადრე მოიფიქრეთ ლუქი
ნუ მიიყვანთ საქმეს უკანასკნელ წუთამდე. რამდენიმე დღით ადრე მოიფიქრეთ, თუ რას ჩაიცვამთ. იმაზე, თუ როგორ გამოიყურებით, ბევრი რამაა დამოკიდებული. მოისინჯეთ სხვადასხვა ლუქი და აირჩიეთ ის, რომელშიც ყველაზე კომფორტულად იგრძნობთ თავს. გაიარ-გამოიარეთ ოთახში, დაჯექით, ადექით. დარწმუნდით, რომ შარვალი არ გიჭერთ, კაბა ზემოთ არ ადის და ა. შ. შეარჩიეთ აქსესუარები და ფეხსაცმელიც. თუ ახალი ფეხსაცმელი უნდა ჩაიცვათ, ჯერ სახლში ჩაიცვით და მინიმუმ 1 საათი იარეთ. დარწმუნდით, რომ ის ფეხებს არ გატკენთ თქვენთვის მნიშვნელოვან დღეს.
5. ჩაიტარეთ სილამაზის პროცედურები
თუ გასაკეთებელი გაქვთ ეპილაცია, ავტორუჯის წასმა გსურთ ან გსურთ კანისა და თმის ხარისხი გაიუმჯობესოთ, სილამაზის პროცედურები რამდენიმე დღით ადრე ჩაიტარეთ. კარგი იქნება სარელაქსაციო მასაჟი წინა დღეს. ავტორუჯი მინიმუმ სამი დღით ადრე წაისვით, რადგან შეიძლება კანი აგიჭრელდეთ და ავტორუჯის ჩამობანა არც თუ ისე მარტივი საქმეა. გაიკეთეთ თმის ნიღაბი. რა თქმა უნდა, მაკიაჟს და ვარცხნილობას სასწაულების მოხდენა შეუძლია, მაგრამ იდეალურ შედეგზე უდიდეს გავლენას ახდენს კანისა და თმის მდგომარეობა.
განსაკუთრებული ყურადღება დაუთმეთ თვალების ირგვლივ ზონას. ამ ადგილებზე კანი ძალიან თხელია და დამატებით მოვლასა და დატენიანებას საჭიროებს. თუ მნიშვნელოვანი დღის წინა დღეებში სახეზე მუწუკი გაჩნდა, არავითარ შემთხვევაში არ აწვალოთ. დიდი ალბათობაა იმისა, რომ ინფექცია შეიჭრას და კანი გაგიღიზიანდეთ. იკვებეთ წინა დღეებში ჯანსაღად, დალიეთ ბევრი წყალი.
გაითვალისწინეთ ზემოთ ჩამოთვლილი რეკომენდაციები და დარწმუნებული იყავით, რომ ყველაფერი იდეალურად ჩაივლის!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
