"ძალიან საინტერესო სივრცე, უამრავი შესაძლებლობით" - ცნობილი ადამიანების შთაბეჭდილებები "Axis Towers-ის" შესახებ
საზოგადოებისთვის ცნობილი ადამიანები დედაქალაქის ცენტრში ტყუპი ცათამბჯენის, „Axis Towers-ის“ გახსნას ეხმაურებიან.
"თანამედროვე არქიტექტურა და საქმიანი ადამიანებისთვის საჭირო გარემო,“ - ასე აფასებს საკრებულოს წევრი მარიკა დარჩია დედაქალაქის ახალ ლენდმარკს, "Axis Towers-ს“.
"მართლა ძალიან საინტერესო სივრცეა, უამრავი შესაძლებლობით. თანამედროვე არქიტექტურა და საქმიანი ადამიანებისთვის საჭირო გარემო, ფრანგული სასტუმრო, ბიზნესცენტრი, აუზი და სპა, ბევრი განსხვავებული კონცეფციის რესტორანი და საერთო სამუშაო სივრცეები,”- წერს სოციალურ ქსელში მარიკა დარჩია.
"Axis Towers-ის“ არქიტექტურასა და მრავალფუნქციურობაზე ამახვილებს ყურადღებას „პერიტუს ჯგუფის“ დამფუძნებელი ელდარ პირმისაშვილი და სოციალურ ქსელში შენობის ფოტოებს აქვეყნებს.
"უკვე გახდა ჩემი ადგილი უმაგრესი საკულტო არქიტექტურა, მულტიფუნქციური სივრცე, ფრანგული სასტუმრო, აუზი და Best სპა, ქოვორქინგი, სქაი ბარი,“- წერს ელდარ პირმისაშვილი.
"ალტერბრიჯის“ ვიცე რექტორი, პოზიტიური ფსიქოკონსულტანტი მაკო ჯაოშვილი კი მიიჩნევს, რომ “Axis Towers-ის“ წყალობით, ქალაქი ახლებურად გამოჩნდა. მისივე თქმით, „Axis Towers-ი“ გრძელვადიანი ხედვით, თანამედროვე ტექნოლოგიებითა და მტკიცე კოლაბორაციით შეიქმნა.
"და მაინც, რა არის შედეგის მისაღწევად მთავარი?! ამჯერად 3 არსებით კრიტერიუმს გამოვყოფ: გრძელვადიანი ხედვა, თანამედროვე ტექნოლოგიები და მტკიცე კოლაბორაცია. დიახ! სწორედ ამ მოცემულობით შეიქმნა მრავალფუნქციური კომპლექსი „Axis Towers-ი“.
ახლებურად გამოჩნდა დედაქალაქი, დაამშვენა ჭავჭავაძის გამზირი, იგრძნობა ნაგებობის სიდიადე და რაც მთავარია, სინერგია! მადლობა ყველას, ვინც იდეიდან რეალიზებამდე პროცესში წვლილი შეიტანა და ამ წარმატებული პროექტით გვაჩვენა, რომ ერთობლივი ძალისხმევა ყოველთვის შედეგიანია!”,- აღნიშნავს მაკო ჯაოშვილი.
NS