მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მსოფლიოში "ომიკრონის" ორი ახალი ქვეშტამი ვრცელდება და ექსპერტები კოვიდის ახალ ტალღას პროგნოზირებენ - რამდენად სახიფათოა და რა არის ცნობილი BA.4 და BA.5 შტამებზე
10:28 / 17-06-2022
ექსპერტები მსოფლიოში კორონავირუსის ახალ ტალღას პროგნოზირებენ და მათი მტკიცებით, ინფიცირებულთა რაოდენობის ზრდა დაკავშირებული იქნება "ომიკრონის" ახალ ქვევარიანტებთან, რომლებიც უკვე დომინანტურია სხვადასხვა ქვეყანაში.
საუბარია BA.4 და BA.5 შტამებზე. ორივე მათგანი თავდაპირველად სამხრეთ აფრიკაში გაჩნდა და როგორც ეპიდემიოლოგები ამბობენ, შესაძლოა, მალე გახდნენ დომინანტური შტამები ევროპასა და აშშ-ში.
- რა არის ცნობილი BA.4 და BA.5 შტამების შესახებ?
ბოლო დროს გამოვლენილ შტამებს შორის BA.4 და BA.5 ყველაზე უფრო სწრაფად ვრცელდება, რაც ჯანდაცვის წარმომადგენელთა შეშფოთებას იწვევს. ორივე ვარიანტი ჯანდაცვის მსოფლიო ორგანიზაციის მონიტორინგის სიას მარტში დაემატა და ისინი "შემაშფოთებელ ვარიანტთა" შორის შეიყვანეს.
- რომელ ქვეყნებში ცირკულირებს?
წლის დასაწყისში აღნიშნული ვარიანტები სამხრეთ აფრიკაში დააფიქსირეს, თუმცა მაშინ აქცენტი სხვა შტამებზე კეთდებოდა. ახლა ორივე მათგანი სხვა ვარიანტებთან შედარებით, გაცილებით უფრო სწრაფად ვრცელდება. ევროპის ზოგიერთ ქვეყანაში უკვე გახდა დომინანტური. მაგალითად პორტუგალიაში ახლა კორონავირუსის შემთხვევების უმეტესობა BA.5 შტამთანაა დაკავშირებული.
აშშ-ში აცხადებენ, რომ ინფიცირების მაჩვენებელი ბოლო კვირებია იზრდება და ოფიციალური პირების ინფორმაციით, რაოდენობის ზრდა დაკავშირებულია ორი ახალი ქვევარიანტის ცირკულირებასთან. დიდ ბრიტანეთშიც ასევე ჩანს კოვიდ ინფექციის შესაძლო მატების ადრეული ნიშნები, რაც გამოწვეულია BA.4-ითა და BA.5-ით.
ამ შტამების შემთხვევები ასევე აღწერეს ავსტრალიაშიც.
- რამდენად სახიფათოა?
ექსპერტები ჯერჯერობით ვერ საუბრობენ იმაზე, თუ რამდენად მძიმე დარტყმას მიიღებენ ქვეყნები ამ შტამების გავრცელების შედეგად. თუმცა ისინი კოვიდის სხვა ვარიანტებთან შედარებით უფრო სახიფათოდ არ მიიჩნევა.
კორონავირუსის სხვა ვარიანტების გადატანისა და ვაქცინაციის შედეგად საზოგადოების ნაწილს აქვს იმუნიტეტი, რაც დაავადებას ნაკლებად სარისკოს ხდის.
აღნიშნული ახალი შტამები უფრო სწრაფად ვრცელდება, რასაც გარკვეულწილად ხელს უწყობს ის, რომ ქვეყნების დიდ ნაწილში მოიხსნა კოვიდ შეზღუდვები, რაც ვირუსს გავრცელების უფრო მეტ შანსს აძლევს.
მეცნიერთა შეფასებით, კოვიდის ახალ შტამებს შეუძლიათ ადამიანის დაინფიცირება მაშინაც კი, თუ მას ახალი გადატანილი აქვს ომიკრონის სხვა შტამი.
- როგორ უნდა დავიცვათ თავი?
როგორც კოვიდის სხვა შტამების შემთხვევებში, ყველაზე მაღალი რისკის ქვეშ ახლაც არიან ხანდაზმულები და ადამიანები, რომლებსაც აქვთ სხვა რომელიმე დაავადების გართულებული ფორმა. მიუხედავად იმისა, რომ ამჟამინდელი ვაქცინები ვერ უზრუნველყოფენ 100%-იან ეფექტიანობა, ისინი მაინც თავდაცვის საუკეთესო საშუალებად მიიჩნევა.
ამ ვაქცინებმა შეამცირეს მძიმე ავადობის რისკი კოვიდის სხვა ვარიანტების მიმართ, მათ შორის, ალფა, ბეტა, გამა და დელტა ვარიანტების მიმართ.
ასევე აღსანიშნავია, რომ მწარმოებლებმა უკვე შექმნეს ახალი ვაქცინები, რომლებიც უფრო უნივერსალური, სრულყოფილი და ეფექტიანია კორონავირუსის არსებული ვარიანტებისადმი და აღნიშნული ვაქცინები მოხმარებაში მალე ჩაეშვება.
წყარო. BBC.com
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დაკეტონ ეს საზღვრები სანამ არსებობს დაავადების საშიშროება
აღარ გვჯერა ზღაპრების რაცხა ახალია მოსაგონებელი სასწრაფოდ :)