მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სკოლიდან დაბრუნებულს, ცარიელ სახლში შესვლის მეშინოდა" - დედისგან მიტოვებული ჰიუ ჯეკმანი: მსახიობის უმძიმესი ბავშვობა და გზა პატიებამდე
11:31 / 12-06-2022
ჰიუ ჯეკმანი წარმატებული მსახიობი, მოცეკვავე და პროდიუსერია, რომელსაც მსოფლიოს მასშტაბით უამრავი თაყვანისმცემელი ჰყავს, მაგრამ ბევრმა არ იცის, რომ საკმაოდ რთული ბავშვობა აქვს გამოვლილი.
მსახიობმა 2015 წელს, ერთ-ერთ ინტერვიუში თქვა, რომ 8 წლის იყო, როცა დედამ მიატოვა. ამის შემდეგ კი თავს შეშინებულ, უძლურ ბავშვად გრძნობდა.
წლების შემდეგ დედა-შვილმა შეძლო შერიგება, თუმცა ამისთვის დიდი დრო და ძალისხმევა დასჭირდათ.
- დედისგან მიტოვებული ჰიუ და მარტოობის შიში
ჰიუ მხოლოდ 8 წლის იყო, როცა დედამ, გრეის მაკნილმა ოჯახი დატოვა და ავსტრალიიდან ინგლისში გაემგზავრა. მსახიობი ყვება, რომ სკოლის შემდეგ, როცა სახლში ბრუნდებოდა, შინ არავინ იყო. იხსენებს, თუ როგორ ეშინოდა ცარიელ სახლში შესვლის და როგორ ელოდებოდა მამისა და ძმების მისვლას.
როცა ქალი ინგლისში გაემგზავრა, მან თან ჰიუს ორი უფროსი და წაიყვანა და სამივე ვაჟი მამასთან დატოვა.
ჰიუ მრავალი წელი ფიქრობდა, რომ მშობლები შერიგდებოდნენ და დედა სახლში დაბრუნდებოდა. როცა ის 12 წლის იყო, მაშინ გაიაზრა სიტუაცია და ამან ძალიან იმოქმედა. შიში, წლების გასვლის შემდეგ, ბრაზში გადაიზარდა. თავისი ბრაზის ზედაპირზე ამოტანას რაგბის თამაშით ახერხებდა.
წარსულის გახსენებისას გამოტყდა, რომ ამ პერიოდში, ბევრი რამის ეშინოდა - სიბნელის, სიმაღლის და ეს თავს უძლურად აგრძნობინებდა. მსახიობი ჰყვება, რომ ბავშვობაში განცდილი ბრაზი, მოგვიანებით, მაქციის როლის შესრულებისას ძალიან დაეხმარა - მარტოსული არსება, რომელსაც ცუდი ხასიათი აქვს, ჰიუს თავის ბავშვობას ახსენებს.
- რატომ მიატოვა გრეისმა ოჯახი?
ჰიუ ჯეკმანის მშობლებს შორის უთანხმოება იყო, რის გამოც საბოლოოდ განქორწინდნენ. გრეისი, რომელსაც 5 შვილი ჰყავდა, მშობიარობის შემდგომი დეპრესიით იტანჯებოდა, ამას დაერთო უცხო ქვეყანაში და გარემოში ცხოვრებაც (ისინი ავსტრალიაში ემიგრაციაში ცხოვრობდნენ) და ამიტომ გადაწყვიტა ინგლისში, თავის სამშობლოში დაბრუნებულიყო.
ოჯახის დატოვების კიდევ ერთი მიზეზი ის იყო, რომ თავად გრეისის დედაც, რომელიც ინგლისში ცხოვრობდა, მძიმედ იყო ავად.
მიუხედავად მისი შიშების, სევდის და სიბრაზისა, ჯეკმანი ამბობს, რომ არასდროს უგრძვნია დედისგან სიცივე, ან ის, რომ შვილები არ უყვარდა. მსახიობი ყვება, რომ ყოველთვის უკავშირდებოდა და დედა-შვილი კარგ ურთიერთობას ინარჩუნებდა. მამას რაც შეეხება, ვარსკვლავი მას ახასიათებს, როგორც "გასაოცარ და ოჯახისთვის თავდადებულ ადამიანს".
- პატიება
როგორც მსახიობი ამბობს, მან საბოლოოდ 2012 წელს გადაწყვიტა, დედისთვის სახლიდან წასვლა ეპატიებინა: "ცხოვრებას ვერ გაააგრძელებ, თუ მუდმივად იმაზე ხარ ჩაციკლული, რა შეიძლებოდა მომხდარიყო სხვანაირად", - ამბობს ჯეკმანი. ჰიუმ და გრეისმა ღიად ისაუბრეს გამოვლილ სირთულეებზე და 43 წლის ასაკში, მსახიობმა აღიარა, რომ ამის შემდეგ დედა-შვილმა საბოლოოდ იპოვა სიმშვიდე.
მას შემდეგ, ისინი წელიწადში 3-4-ჯერ ხვდებოდნენ ერთმანეთს. პირველად 2021 წელს გააზიარა მსახიობმა მათი ერთობლივი ფოტო, სადაც ჩანს, რომ თბილად ეხვევიან ერთმანეთს. ჰიუმ ფოტოს თბილი და მოკლე, ერთსიტყვიანი აღწერა დაურთო: "დედა". 2021 წლის მსახიობმა მას დედის დღეც მიულოცა და მისი ნაჩუქარი, ხელით დაწერილი რეცეპტების წიგნის ფოტოც ატვირთა.
Happy Mother’s Day to my Mum and all of you around the world. PS. I’m sorry I’m so quiet! Trying not to wake the Mother of my kids ... or Dali! pic.twitter.com/BrqZIev8Hj
— Hugh Jackman (@RealHughJackman) May 9, 2021
ჰიუ ჯეკმანს ახლა უკვე თავისი ოჯახი აქვს და ამბობს, რომ უფრო მეტად ხვდება დედამისის მაშინდელ გადაწყვეტილებას. ჰიუ დებორაზე 25 წელია, რაც დაქორწინებულია და მათ 2 შვილი ჰყავთ, ოსკარი და ავა.
გრეისი ახლა უკვე მნიშვნელოვან როლს ასრულებს მათ ცხოვრებაში და ხშირად ატარებს დროს შვილიშვილებთან ერთად. ხანდახან ჰიუ ფოტოებს აზიარებს, რომელშიც დედასთან ერთად საჭმელს ამზადებს, ან უბრალოდ, იცინის.
წყარო: brightside
მოამზადა: ანა სიბოშვილმა
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაიმე როგორი ემოციური სტატიაა, ცრემლიც კი მომადგა. რა ძნელია, როდესაც ასეთი ტკივილი გაქვს ბავშვობაში. ყოჩაღ ჯეკს, რომ შეურიგდა დედას და ახლა კარგი ურთიერთობა აქვთ.
დიდებული ადამიანი-ზუსტად მიტევებას გვასწავლის უფალი ჩვენი იესო ქრისტე