ირაკლი ღარიბაშვილი აცხადებს, რომ "ბორჯომის“ აქციონერი მთავარობა გახდება
საქართველოს მთავრობა "ბორჯომის“ აქციონერი გახდება, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.
როგორც მან აღნიშნა, საკითხზე ეკონომიკის სამინისტრომ მოლაპარაკებები პრაქტიკულად დაასრულა და ამით პრობლემა მოგვარდება.
მისივე თქმით, საკითხის გადაწყვეტისას არცერთი მოქალაქე არ დაიჩაგრება.
"ეკონომიკის სამინისტრომ პრაქტიკულად დაასრულა მოლაპარაკებები. ერთი კვირის თავზე მთავრობის სხდომაზე გამოვიტანთ საკითხს და სახელმწიფო, მთავრობა გახდება "ბორჯომის“ აქციონერი. ამით ეს პრობლემაც მოგვარდება. ვიცი, რომ მანამდე გარკვეული სირთულეები არის. დასაქმებულები აპროტესტებენ. დღეს დილით ზურაბ აზარაშვილს ვესაუბრე და მისი დავალებით საკითხში ჩართულია შრომის ინსპექცია. მინდა ყველას ვუთხრა - არცერთი მოქალაქე არ დაიჩაგრება და ყველას სამართლიანად მოვეპყრობით. ყველაფერი ისე მოგვარდება, როგორც საჭიროა“,- განაცხადა ირაკლი ღარიბაშვილმა.