მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პრემიერი ევროკავშირის ერთი დედაქალაქიდან მეორეში უნდა დადიოდეს... ამის ნაცვლად ვინმე ხიდაშელთან ერთად გაურკვეველი ვიზიტებით არის დაკავებული" - სამადაშვილი
18:42 / 01-06-2022
"ძალიან კარგია ყველა ვიზიტი ყველა ქვეყანაში, მაგრამ იმ ქვეყნის პრემიერ-მინისტრი, რომელიც ევროკავშირში საკუთარი კანდიდატი ქვეყნის სტატუსს ლობირებს, ევროკავშირის ერთი დედაქალაქიდან მეორეში უნდა დადიოდეს, - ამის შესახებ „ლელოს“ პოლიტიკურმა მდივანმა სალომე სამადაშვილმა ჟურნალისტებს განუცხადა.
როგორც სამადაშვილმა აღნიშნა, პრემიერი მრავალპარტიულ დელეგაციასთან ერთად უნდა ცდილობდეს, კანდიდატი ქვეყნის სტატუსისთვის პოლიტიკური მხარდაჭერა მიიღოს.
"დღეს, როდესაც მიიღება ისტორიულად მნიშვნელოვანი გადაწყვეტილება ჩვენი ქვეყნის მომავალთან დაკავშირებით, სად არის ჩვენი ქვეყნის პრემიერ-მინისტრი ირაკლი ღარიბაშვილი? ძალიან კარგია ყველა ვიზიტი ყველა ქვეყანაში, მაგრამ იმ ქვეყნის პრემიერ-მინისტრი, რომელიც ევროკავშირში საკუთარი კანდიდატი ქვეყნის სტატუსს ლობირებს, მრავალპარტიულ დელეგაციასთან ერთად უნდა დადიოდეს ევროკავშირის ერთი დედაქალაქიდან მეორეში და ცდილობდეს, მოიპოვოს პოლიტიკური მხარდაჭერა კანდიდატი ქვეყნის სტატუსისთვის. ამის ნაცვლად ღარიბაშვილი ვინმე ხიდაშელთან ერთად გაურკვეველი ვიზიტებით არის დაკავებული, ამ ყველაფრის შედეგს ვიხილავთ უახლოეს მომავალში“,- განაცხადა სალომე სამადაშვილმა.
მისივე თქმით, მნიშვნელოვანია, ევროკავშირმა მიიღოს პოლიტიკური გზავნილი, რომ „გეოპოლიტიკური გამოწვევების გათვალისწინებით „გადამწყვეტად მიგვაჩნია კანდიდატი ქვეყნის სტატუსის მიღება“.
"შემიძლია დავადასტურო, რომ დღეს ევროკავშირში რომელიმე ქვეყნისთვის კანდიდატი ქვეყნის სტატუსის მინიჭების თაობაზე პოლიტიკური გადაწყვეტილება მიღებული არ არის. ძალიან მნიშვნელოვანია, რომ ეს სამი ქვეყანა - მოლდოვა, უკრაინა და საქართველო კოორდინირებულად მოქმედებდეს და იცავდეს საკუთარ ინტერესებს, რაც კანდიდატი ქვეყნის სტატუსის მიღებას შეეხება. ამიტომ ყველა ის პრობლემა, რომელსაც დღევანდელი მმართველი გუნდი ჩვენი ქვეყნის განაცხადის წარმატებასთან დაკავშირებით ქმნის, ასევე უქმნის გამოწვევას სამივე ქვეყანას.
არ უნდა მოვიაზროთ, რომ განცალკევებული კონტექსტია სამივე ქვეყანასთან მიმართებით. პოლიტიკური გადაწყვეტილების ლობირებისთვის ყველაზე კარგი იქნებოდა, რომ სწორედ ამ სამ ქვეყანას ერთად შესძლებოდა საკუთარი დღის წესრიგის პოლიტიკურად დაცვა ევროკავშირში.
სამწუხაროდ, „ქართული ოცნების“ მიერ არჩეულმა პოლიტიკამ, უკრაინასთან მიმართებით, ასევე იმ ნაბიჯებმა, რომელიც მათ გადადგეს გასული კვირების განმავლობაში და საფრთხის ქვეშ დააყენეს ჩვენი კანდიდატი ქვეყნის სტატუსი, ამ პროცესს ხელი არ შეუწყო. მნიშვნელოვანია, ევროკავშირმა მიიღოს პოლიტიკური გზავნილი ყველა ამ ქვეყნიდან, რომ გეოპოლიტიკური გამოწვევების გათვალისწინებით გადამწყვეტად მიგვაჩნია კანდიდატი ქვეყნის სტატუსის მიღება როგორც ჩვენი ქვეყნის, ასევე უკრაინის და მოლდოვას შემთხვევაში“,- განაცხადა სალომე სამადაშვილმა.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დაგეწვას ბაფთა
საერთოდ რას წარმოადგენ შენ ქალბატონო სამადაშვილო ღალატის მეტი რა გაგიკეთებიათ