ილია ელოშვილის ცხედარი ექსპერტიზის ბიუროში გადაასვენეს
თბილისის მერის მოადგილის, ილია ელოშვილის ცხედარი საკუთარი საცხოვრებელი სახლიდან ექსპერტიზის ბიუროში გადაასვენეს.
ადგილზე ამ დრომდე რჩებიან სამართალდამცავები, რომლებიც საგამოძიებო მოქმედებების ჩატარებას აგრძელებენ. ადგილზე იმყოფება ასევე ვაკე-საბურთალოს მთავარი სამმართველოს უფროსი ავთანდილ გალდავა.
ცოტა ხნის წინ ილია ელოშვილის საცხოვრებელ სახლთან აჭარის მთავრობის ხელმძღვანელი თორნიკე რიჟვაძეც მივიდა.
რაც შეეხება გარდაცვალების მიზეზს, ახლობლებს მომხდართან დაკავშირებით საუბარი უჭირთ.