მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ყოფილი პრინცესა, რომელიც ექსმეუღლეს, ყატარის პრინცს შვილზე სექსუალურ ძალადობაში ადანაშაულებდა, გარდაცვლილი იპოვეს - ქმართან ათწლიანი დავა და იდუმალებით მოცული საქმე
10:56 / 01-06-2022
ყატარის ყოფილი პრინცესა, 45 წლის კასია გალანიო ესპანეთში, საკუთარ სახლში გარდაცვლილი იპოვეს. აღსანიშნავია, რომ ყოველივე მას შემდეგ მოხდა, რაც ქალმა ყოფილი ქმარი, ყატარელი პრინცი უფროს შვილზე სექსუალურ ძალადობაში დაადანაშაულა. მედიაში გარდაცვალების ერთ-ერთ მიზეზად ნარკოტიკების სავარაუდო ჭარბი დოზის მიღებას ასახელებენ.
ცხედარი პოლიციამ გასულ კვირას იპოვა. სამართალდამცველები ამბობენ, რომ გარდაცვლილი საწოლში იყო და მას არ აღენიშნებოდა ფიზიკური ძალადობის კვალი.
როგორც ესპანური El Pais-ი იტყობინება, პოლიცია ქალის სახლში მას შემდეგ მივიდა, რაც სამართალდამცველებს პარიზიდან კასიას უმცროსმა შვილმა დაურეკა და შეატყობინა, რომ ბოლო დღეეების განმავლობაში დედასთან დაკავშირებას ვერ ახერხებდა.
ფრანგული Le Parisien-ი მაისში წერდა, რომ ქალი მიდრეკილი იყო ნერვული აშლილობისკენ, რომ ის კლინიკაში იყო მოთავსებული რამდენიმე თვის განმავლობაში, სტანჯავდა დეპრესია, ასევე ებრძოდა ალკოჰოლიზმს. თუმცა კასია გალანიოს მეგობრები ამბობენ, რომ მსგავსი ინფორმაცია სიცრუეა და ყველაფერს მისი ყოფილი ქმარი იგონებდა, რათა ქალს შვილებზე მეურვეობის უფლება ვერ მიეღო.
პოლონური წარმომავლობის გალანიო, ლოს ანჯელესში დაიბადა. ის ყატარის ემირის 73 წლის ბიძაზე, პრინც აბდელაზიზ ბინ ხალიფა ალ თანიზე 2004 წელს დაქორწინდა. წყვილს სამი ქალიშვილი შეეძინა. უფროსი ტყუპი გოგონები ახლა 17 წლის არიან, ხოლო უმცროსი 15 წლისაა.
გოგონებს დედასთან ერთად ცხოვრება სურდათ, მაგრამ როგორც თვითონ კასია გალანიო ერთ-ერთ ბოლო ინტერვიუში ამბობდა, ყოფილი ქმარი მის "დასჯას ცდილობდა" და დედასა და შვილებს ერთად ცხოვრების უფლებას არ აძლევდა. ყოფილი სამეფო წყვილი ათ წელზე მეტია მძაფრ სამართლებრივ ბრძოლაში იყო შვილებზე მეურვეობის მოპოვების მიზნით - კასია იბრძოდა, რომ თავის შვილებზე მეურვეობა მიეღო.
მან ყოფილი ქმარი უფროს შვილზე სექსუალურ ძალადობაში დაადანაშაულა, თუმცა აბდელაზიზ ბინ ხალიფა ალ თანი ბრალდებას კატეგორიულად უარყოფდა. აღსანიშნავია, რომ ამ საქმეს პარიზის სასამართლო ამ დრომდე იძიებს და ექსპერტიზის დასკვნა ჯერ ცნობილი არ არის.
კასიას ყოფილი ქმარი ყატარში წლების წინ ნავთობისა და ფინანსთა მინისტრად მუშაობდა, თუმცა უკვე მრავალი წელია საფრანგეთში ცხოვრობს. 1990-იან წლებში ის იძულებული გახდა სამშობლო დაეტოვებინა ყატარის ლიდერის წინააღმდეგ გადატრიალების წარუმატებელი მცდელობის შემდეგ.
ყატარელი პრინცი სამ ქალიშვილთან ერთად საფრანგეთში, პარიზში, ელისეს მინდვრებთან ახლოს, მდიდრულ სასახლეში ცხოვრობს.
გარდაცვლილი ყოფილი პრინცესას ახლო მეგობარი ლუი სპაგნუოლო ამბობს, რომ გალანიო ნარკოტიკების წინააღმდეგი იყო - "მას ძალიან კარგად ვიცნობდი, განადგურებული ვარ ამ ამბით, ძალიან კარგი ადამიანი იყო, ვინც იცნობდა, ყველას უყვარდა, უყვარდა თავისი ქალიშვილები. სასტიკი წინააღმდეგი იყო ნარკოტიკების და არასდროს ყოფილა ალკოჰოლიკი“, - ამბობს მეგობარი, რომლის თქმითაც, მსგავს ამბებს კასია გალანიოს ყოფილი ქმარი უგონებდა.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საერთოდ პოლონელებში (და სლავურ ქვეყნებში) ეგეთი რამე უცხო არ არის. პოლონეთში როგორც კი ცოლ-ქმარი წაიჩხუბებენ, ცოლი ეგრევე ქმარს ადანაშაულებს ბავშვებზე სექსუალურ ძალადობაში.
73 წლის თუ იყო 2004-ში, ეხლა 90 წლის იქნება და რა ძალადობა შეუძლია ამ ხნის კაცს, იტყუებით რაღაცას