დღის ფოტო: უკრაინელი ბავშვის საჩუქარი ბორის ჯონსონს - რა მიწერა ბრიტანეთის პრემიერს პატარა ილიამ, რომელმაც მშობლები ომში დაკარგა
პატარა უკრაინელმა ბიჭმა ილია კოსტუშევიჩმა, რომელმაც 6 წლის ასაკში მშობლები მარიუპოლში დაკარგა, ბრიტანეთის პრემიერ-მინისტრ ბორის ჯონსონს წერილი მისწერა.
ბიჭის მშობლები მარიუპოლში ერთ-ერთი დაბომბვისას დაიღუპნენ. მოხალისეებმა ილია დაბომბილი შენობიდან გამოიყვანეს და ახლა მასზე სლავიანსკის ოჯახი ზრუნავს.
"ძვირფასო ბორის ჯონსონ! მინდა, რომ ომი მალე დასრულდეს, ისე რომ ხალხი აღარ დაიხოცოს. მე მინდა ფეხბურთის თამაში ჩემს ქალაქში, მარიუპოლში. მსურს მსოფლიოს ყველა ბავშვმა არ იცოდეს, რა არის ომი. მივესალმები ბრიტანელ ბავშვებს და მადლობა, რომ დაგვეხმარებით. ჩვენ გავიმარჯვებთ! მე მყავს კატა ფროსია. გიგზავნით უკრაინის დროშას, რომელიც მე დავხატე".
