"ცოცხალია და კარგადაა" - რუსების ტყვეობაში მყოფი დმიტრი კოზაცკი დედას დაუკავშირდა: რა გადასცა "აზოველმა" ფოტოგრაფმა ოჯახს?
უკრაინის ეროვნული გვარდიის "აზოვის" სპეცდანიშნულების პოლკის პრესსამსახურის ფოტოგრაფი დმიტრი კოზაცკი ოჯახს დაუკავშირდა. ინფორმაციას ტელეგრამის საკუთარ არხზე უკრაინელი ჟურნალისტი დმიტრი გორდონი ავრცელებს.
"აზოვის" პოლკის პრეს-სამსახურის ხელმძღვანელი დიმიტრი კოზაცკი, "აზოვსტალის" ცნობილი ფოტოების ავტორი ოჯახს დაუკავშირდა. მას შემდეგ, რაც "აზოველები" ტყვედ ჩაბარდნენ, გარკვეული დროის მანძილზე მათ შესახებ არაფერი ვიცოდით და ეს ძალიან მძიმე იყო ჩვენთვის.
მადლობა ღმერთს, დიმამ დედას დაურეკა და ჩვენ მისი ხმა მოვისმინეთ. კოზაცკიმ გვითხრა, რომ ცოცხალია, კარგადაა, საკვებს აძლევენ და რომ ყველაფერი რიგზეა, თუმცა, ჩვენ დანამდვილებით არ ვიცით, ეს სიმართლეა თუ არა" - ამბობს კოზაცკის და, დარია.
როგორც კოზაცკის დედა, ირინა იუშენკო ამბობს, ტყვეობაში მყოფებმა ბოლომდე უნდა იბრძოლონ, რათა მებრძოლები გადაარჩინონ...
"ჩვენმა მეომრებმა დაგვანახეს, რომ ვაჟკაცები და გმირები არიან. მათ ძალიან უყვართ საკუთარი ოჯახები და სამშობლო. თითოეული ტყვის გასათავისუფლებლად ბოლომდე უნდა ვიბრძოლოთ, ისინი ხომ ჩვენი შვილები და ჩვენი მომავალია" - ამბობს ქალი ინტერვიუში.
უკრაინის ხელისუფლების გადაწყვეტილების შემდეგ, "აზოვსტალის" მეტალურგიულ ქარხანაში მყოფი ყველა მებრძოლი რუსეთს ჩაბარდა. კოზაცკიმ აზოვსტალის დატოვებამდე ქარხანაში გადაღებული უკანასკნელი ფოტოები და ვიდეო გამოაქვეყნა და დაწერა...
"სულ ესაა... "აზოვსტალო", გმადლობ თავშესაფრისთვის - ჩემი სიკვდილისა და ჩემი სიცოცხლის ადგილო"
ასევე ნახეთ: