"მარიუპოლში 70 უკრაინელის ცხედარი იპოვეს, რომელიც ტომრებში ჩააწყეს და მასობრივ საფლავზე დასაკრძალად წაიღეს" - მედია
მარიუპოლში 70-მდე დაღუპული უკრაინელის ცხედარი აღმოაჩინეს, - უკრაინული მედიის ინფორმაციით, ამის შესახებ მარიუპოლის მერის მრჩეველმა, პეტრო ანდრიუშჩენკომ განაცხადა.
მისი თქმით, ამ წუთებში რუსი ჯარისკაცები ყოფილი ქარხნის "ოქტიაბრის“ ტერიტორიაზე, სადაც ცხედრები აღმოაჩინეს, ნანგრევებს ასუფთავებენ.
მისი თქმით, მოქალაქეების დაღუპვის მიზეზი ოკუპანტების მიერ შენობის დაბომბვაა. ოკუპანტებს ცხედრების იდენტიფიცირება არ მოუხდენიათ, ისინი პოლიეთილენის ტომრებში ჩააწყვეს და სოფელ სტარი კრიმში მდებარე მასობრივ საფლავზე დასაკრძალად წაიღეს.