"ბიძინას პრიმიტიული ტაქტიკაა, ერთ მხარეს ღარიბაშვილი ბნელებისთვის და მეორე მხარეს სალომე ზურაბიშვილი დასავლეთის მომხრეებისთვის" - გუბაზ სანიკიძე
პარლამენტარმა გუბაზ სანიკიძემ "ტვ პირველის" ეთერში მორიგი ხმაურიანი განცხადებები გააკეთა. მისი თქმით, ნოე ჟორდანიას ბრალია ყველაფერი, რაც ამ ქვეყანას მთელი მე-20 საუკუნე სჭირდა.
"ბიძინას პრიმიტიული ტაქტიკაა, ერთ მხარეს ღარიბაშვილი ბნელებისთვის და მეორე მხარეს სალომე ზურაბიშვილი დასავლეთის მომხრეებისთვის, - რომელიც დამჭირდება, იმას წამოვწევო. ორი ხელით მუშაობს ივანიშვილი, ერთი ხელია ბნელი, ჩვენი საზოგადოების არქაული მხარე, მეორე მხარეს ვითომ სიმართლე, ვითომ ევროპისკენ… თან საფრანგეთიდანაა ჩამოსული, ქართული ემიგრაციის ლოგიკური შედეგია, რა ემიგრაციაც იყო, ისეთი პრეზიდენტი გვყავს ახლა, მაშინდელი სოციალ-დემოკრატების და აქ კიდევ ვიღაცები გამოჩნდებიან, - რას ერჩიანო. ნოე ჟორდანიას ბრალია, რაც ამ ქვეყანას მთელი მე-20 საუკუნე სჭირდა. "ვეფხისტყაოსანი" ემიგრაციაში რომ წაიკითხა, - უი, რა კაი ყოფილაო", - განაცხადა გუბაზ სანიკიძემ.