დედოფალი ელისაბედი საქართველოს დამოუკიდებლობის დღეს ულოცავს
დიდი ბრიტანეთის დედოფალი ელისაბედი საქართველოს პრეზიდენტს და ქართველ ხალხს დამოუკიდებლობის დღეს ულოცავს. ელისაბედის წერილს საქართველოში ბრიტანეთის საელჩო სოციალურ ქსელში აქვეყნებს.
როგორც დედოფალი წერს, მიმდინარე წელი განსაკუთრებულია, რადგან ბრიტანეთი და საქართველო თანამშრომლობის 30 წელს აღნიშნავენ.
"თქვენო აღმატებულება, მსურს მოგილოცოთ დღევანდელი დღე და საუკეთესო სურვილებს ვუთვლი საქართველოს მოსახლეობას. წლევანდელი წელი განსაკუთრებულია, რადგან ჩვენი ქვეყნები ორმხრივი თანამშრომლობის 30 წელს აღნიშნავენ. გლობალური გამოწვევების ფონზე, მომავალს იმედიანად ვუყურებ”, - ნათქვამია დედოფალ ელისაბედის მისალოც წერილში.