"ქმარს ვერავინ წამართმევს, ომიც კი... არავინ იცოდა, რომ ასეთი საშინელი გამოცდა გველოდა" - ოლენა ზელენსკა
უკრაინის პრეზიდენტმა, ვოლოდიმირ ზელენსკიმ და მისმა მეუღლემ, უკრაინის პირველმა ლედიმ, ოლენა ზელენსკამ ომის დაწყების შემდეგ ერთად პირველად ისაუბრეს ტელეეთერში. ინტერვიუს დროს ოლენამ თქვა, რომ ომის დაწყების შემდეგ თავისი მეუღლე ორი თვის განმავლობაში არ ჰყავდა ნანახი და მას მხოლოდ ტელეფონით ეკონტაქტებოდა.
ოლენამ გაიხსენა ომის დაწყების დღეები და თქვა თუ რა მოუთმენლად ელოდა, რომ ქმარი გამარჯვების შესახებ შეატყობინებდა.
"ემოციების გადმოცემა შეუძლებელია. ჩვენ უცებ გავაანალიზეთ, რომ ცხოვრება სამუდამოდ შეიცვალა“, - თქვა მან. პირველი ლედის თქმითვე, როცა მისი ქმარი პოლიტიკურ ცხოვრებას იწყებდა, თავიდანვე იცოდა, რომ ცხოვრება სირთულეებითა და განსაცდელით სავსე იქნებოდა.
"მე ვიცოდი, რომ ის დიდ სირთულეებს გაუმკლავდებოდა, უბრალოდ, ვიცოდი, რომ ეს რთული იქნებოდა. და არც ყოფილა ადვილი, ახლა განსაკუთრებით. სამი წლის წინ არავინ იცოდა, რომ ასეთი საშინელი გამოცდა გველოდა.
ქმარს ვერავინ წამართმევს, ომიც კი - ჰო, ის სამსახურით ცხოვრობს, თითქმის ვერ ვნახულობთ, ამ ინტერვიუსთვის მადლიერი ვარ, რადგან ერთმანეთს შეხვდვით, სამწუხაროდ, ჩვენ არ შეგვიძლია ვისხდეთ, ვივახშმოთ, ვისაუბროთ. როგორც ყველა ოჯახი უკრაინაში, ჩვენც ველოდებით, რომ მალე შესაძლებელი იქნება ისევ ერთად ყოფნა“, - ამბობს ოლენა ზელენსკა.(წყარო)