"შვილს თვალს წუთითაც ვერ მოვწყვეტ. იმ შემთხვევაში დავიქირავებ ძიძას, თუ ვინმე მაიძულებს" - რიანა დედა გახდა

დასავლური ტაბლოიდების ინფორმაციით, 13 მაისს ბარბადოსელი მომღერალი რიანა დედა გახდა, მას ვაჟი შეეძინა.

ახალშობილის სახელი ჯერჯერობით უცნობია. რიანასთან დაახლოებული წყაროს ცნობით, მომღერალი ახალშობილსა და A$AP Rocky-სთან ერთად ლოს-ანჯელესის სახლში იმყოფებიან. წყარო ყვება: "მათ ერთმანეთი 1 წამითაც არ დაუტოვებიათ. სიხარულით ცას ეწივნენ. რიანა დიდხანს ელოდა დედობას", - ამბობს წყარო.

მისივე თქმით, წყვილი ნიუ იორკში მოგზაურობას გეგმავს, რათა A$AP Rocky-ის ოჯახმაც გაიცნოს ახალშობილი, შემდეგ ისინი რიანას ოჯახსაც ეწვევიან ბარბადოსზე.

რიანა არასდროს მალავდა, რომ დედობაზე ოცნებობდა. 2018 წელს, Vogue-სთან ინტერვიუში მან იმაზეც ისაუბრა, თუ როგორი დედა იქნებოდა:

"ჩემს შვილს თვალს წუთითაც ვერ მოვწყვეტ. ეს უკვე დანამდვილებით ვიცი. მხოლოდ იმ შემთხვევაში დავიქირავებ ძიძას, თუ ვინმე მაიძულებს", -ამბობდა რირი.

2020 წლის ინტერვიუში კი თქვა, რომ პარტნიორის ყოლის გარეშეც გეგმავდა 4 შვილის ყოლას: "თუ ბავშვის ცხოვრებაში მამა არ ფიგურირებს, საზოგადოება ხშირად კიცხავს მარტოხელა დედას.. მაგრამ ბედნიერებაზე მნიშვნელოვანი არაფერია, ერთადერთი რამ, რაც ბავშვსა და მშობელს შორის ჯანსაღ ურთიერთობას აყალიბებს - ბედნიერებაა. მხოლოდ სიყვარული ზრდის და აყალიბებს ბავშვს".

წყარო:etonline.com

მოამზადა: ანა სიბოშვილმა