"ჩემთვის ძნელი იყო, ამ პირობებში მისი ნახვა... თვითონ ბედნიერი იყო ჩვენი ხილვით" - სოფო ნიჟარაძემ და ელის მარიამ მიხეილ სააკაშვილი მოინახულეს (ვიდეო)
საქართველოს მესამე პრეზიდენტის მოსანახულებლად "ვივამედის" კლინიკაში სოფო ნიჟარაძე იმყოფებოდა. როგორც მან ჟურნალისტებს განუცხადა, მიხეილ სააკაშვილს შვილი აჩვენა, რომელიც 7 თვე ნანახი არ ჰყავდა და ძალიან ენატრებოდა.
"მოვინახულეთ მიშა. ბოლოს საქართველოში დაბრუნების წინ ვნახეთ. მთელი ეს დრო ენატრებოდა ბავშვი. (ბავშვმა) აჩვენა ყველაფერი, თუ რამდენი რამ ისწავლა. მოეფერა ძალიან და ძალიან ბედნიერი იყო.
ჩემთვის მძიმე იყო ამ პირობებში მისი ნახვა, მაგრამ მას ძალიან უნდოდა ჩვენი ნახვა. მთავარია, რომ თვითონ ბედნიერი იყო ჩვენი ხილვით. ბავშვი 7 თვე არ ჰყავდა ნანახი და ისიამოვნა ამით" - აღნიშნა ნიჟარაძემ.
ცნობისთვის, ელის მარია სააკაშვილი სოფო ნიჟარაძეს 2020 წლის ივნისში ამერიკაში შეეძინა. მომღერალი შვილთან ერთად საქართველოში გასული წლის ოქტომბერში დაბრუნდა.
ახალი წლამდე ერთი დღით ადრე კი, ექსპრეზიდენტმა მიხეილ სააკაშვილი ციხიდან წერილი გაავრცელა, სადაც წერდა, რომ ელის მარია მისი უმცროსი შვილი გახლდათ. ექსპრეზიდენტისა და მომღერლის რომანზე ჯერ კიდევ სააკაშვილის პრეზიდენტობის დროს საუბრობდნენ...
ნახეთ ვიდეო: