"მგონია, რომ გარემოს შეცვლა და გაყვანა დადებითად იმოქმედებს - კმაყოფილი ვარ ექიმებით" - გიული ალასანია მიხეილ სააკაშვილზე
მიხეილ სააკაშვილი საჭმელს ფიზიკურად ვერ ჭამს. საკმარისია მან ერთი ლუკმა ჩაიდოს, იმ წუთში ამოდის უკან, - ამის შესახებ მიხეილ სააკაშვილის დედამ, გიული ალასანიამ კლინიკა „ვივამედში" მისი შვილის მონახულებამდე განაცხადა.
გიული ალასანია ფიქრობს, რომ შესაძლოა, აღნიშნული პრობლემა დაკავშირებული იყოს ფსიქოლოგიურ სირთულესთან.
"მგონია, რომ გარემოს შეცვლა და მისი გაყვანა დადებითად იმოქმედებს. ჩემთვის მნიშვნელოვანია იცოდეთ, რომ ძალიან კმაყოფილი ვარ ექიმებით. ვფიქრობ, რომ ყველაფერი სწორად უკეთდება, უბრალოდ ადამიანს აქვს მძიმე მდგომარეობა. მას ბევრი დიაგნოზი აქვს და შესაბამისად ბევრი გამოკვლევა არის საჭირო", - განაცხადა გიული ალასანიამ.