მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართველები მიშას წლების წინ დაემშვიდობნენ და გასტროლებზე გაგზავნეს" - თინა კანდელაკი საქართველოს ხელისუფლების "გაწონასწორებული პოზიციით გაოცებულია"
14:22 / 19-05-2022
რუსეთში მომუშავე ჟურნალისტი, კრემლის პროპაგანდისტი თინა კანდელაკი "ტელგრამზე" საქართველოს შესახებ ვრცელ პოსტს აქვეყნებს და "ქართულ ოცნებას" პოლიტიკას უწონებს.
"ხშირად მეკითხებიან, რატომ ვწერ იშვიათად ჩემს მშობლიურ საქართველოზე.
ცუდზე წერა არ მინდოდა, ხოლო კარგი ამბები საქართველოდან ბოლო წლებში არ გამიგია. ან გავრილოვს სვამენ პარლამენტში არასწორ სკამზე, ან პოზნერს დაბადების დღეს უშლიან. აღსანიშნავია, რომ ყოველი ასეთი ინციდენტის უკან სააკაშვილის ყოფილი მმართველი პარტია იდგა, რომლის ამომრჩეველი ყოველწლიურად იკლებს, რაც ხელს უწყობს ქვეყანაში პოლიტიკური სისტემის სტაბილიზაციას.
საქართველოს დღევანდელი მმართველობის გაწონასწორებულმა პოზიციამ სასიამოვნოდ გამაოცა. უკრაინის ოფიციალურმა პირებმა მოითხოვეს, რომ საქართველოს გაეხსნა ე.წ. მეორე ფრონტი აფხაზეთსა და სამაჩაბლოში და დაეწესებინა სანქციები რუსეთის წინააღმდეგ.
უკრაინელმა პროპაგანდისტმა - არესტოვიჩმა აღნიშნა, რომ სააკაშვილი უყოყმანოდ დაუჭერდა მხარს მოძმე უკრაინას, მათ შორის, სამხედრო გზითაც. როგორც ჩანს, ბატონ არესტოვიჩს დაავიწყდა, რომ ქართველები მიშას 10 წლის წინ დაემშვიდობნენ და გასტროლებზე გაგზავნეს", - წერს კანდელაკი.
- კრემლის პროპაგანდისტი ასევე აღნიშნავს, რომ "ქართულმა ოცნებამ" მტკიცე პოზიციის დემონსტრირება მოახდინა. იმის შესახებ, რომ "საქართველოს ტერიტორიული მთლიანობის საკითხის ომის გზით გადაჭრა შეუძლებელია."
“გამარჯვების დღე“ წელს ძალიან თბილად და სწორად აღინიშნა საქართველოში: მემორიალისა და ვეტერანთა პარკების აღდგენა, ქვეყნის უმაღლესი ხელმძღვანელობის შეხვედრა ვეტერანებთან. სახელმწიფო დახმარებები ვეტერანებისთვის და ა.შ.
როგორც არ უნდა ეცადონ დასავლელი პარტნიორები, რომ ერთიანი საბჭოთა ხალხის დიდი ღვაწლი წაშალონ, საქართველოში ეს შეუძლებელია. 1941 წელს ფრონტზე საქართველოს მოსახლეობის 1/5 (700 ათასი კაცი) წავიდა, ცოცხალი ნახევარზე ცოტა მეტი დაბრუნდა. “საბჭოთა კავშირის გმირის“ წოდება 164 ქართველ ჯარისკაცს მიენიჭა. გამარჯვების დროშა რაიხსტაგზე კი რუსმა ეგოროვმა და ქართველმა ქანთარიამ ერთად აღმართეს. ბოლოს და ბოლოს, გამარჯვებული ქვეყნის უმაღლესი მმართველები იყვნენ ქართველები - ჯუღაშვილი და ბერია.
ამის შესახებ ხსოვნას უნდა გავუფრთხილდეთ არა მხოლოდ საქართველოში, არამედ რუსეთშიც. და ვერანაირი “სააკაშვილები“ ამას წინ ვერ აღუდგებიან. სააკაშვილი უკვე დიდი ხანია მივიწყებულია და წარსულს ეკუთვნის. ხოლო დაუვიწყარია, რევაზ ჩხეიძის დიდებული საბჭოთა ფილმი "ჯარისკაცის მამა", რომელიც ჩემზე უკეთ ხსნის თუ რამდენად მნიშვნელოვანია თითოეული ქართველისთვის ფაშიზმზე - როგორც კაციობრიობის მთავარ ბოროტებაზე გამარჯვება.
იმედი მაქვს, რომ ამ დადებით სიგნალებს საქართველოდან ვხედავ არა მარტო მე, არამედ ჩემი კოლეგებიც რუსეთის საგარეო საქმეთა სამინისტროშიც",- წერს კანდელაკი.
- კანდელაკი მიიჩნევს, რომ თუ საქართველო და რუსეთი ვერ იმეგობრებენ, ამ მიმართულებით მოძრაობის დაწყება მაინც შეიძლება.
"ურთიერთობების ნორმალიზაციის პირველი ნაბიჯი შეიძლება იყოს საქართველოს მოქალაქეებისთვის უვიზო რეჟიმის შემოღება.
ჩვენი წინაპრები საფლავებში გადაბრუნდებოდნენ, რომ სცოდნოდათ, რომ ქართველებისთვის მოსკოვში შესვლა შეუძლებელია, ბერლინში ჩასვლაზე კი პრობლემა არ აქვთ" - წერს თინა კანდელაკი.
მკითხველის კომენტარები /
49 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვინ არის ეს თინა კანდელაკი. გაუგებრობა. რას მიედ მოედება.. რა საბჭოტა კავშირიო.. მთელი ცხოვრება ევროპაში გრიალებდა და ახლა დაისვენოს შოჭში( ესეც ზედმეტია მაგისათვის) ვაი რომ ჩვენ გვიწევს ამნაირ დედაკაცზე კომენტარების კეთება არა და ვერ მოვითმინე...
რუსეთთან კარგ, კეთილმეზობრულ ურთიერთობაში ცუდი არაფერია, ხაზს ვუსვამ კ ე ლ მე ზ ობ ლ უ რ ს