მნიშვნელოვანი ინფორმაცია
20
ივნისიდღის ზოგადი ასტროლოგიური პროგნოზი
პარასკევი, მთვარის ოცდამეოთხე დღე დაიწყება 01:42-ზე, მთვარე ვერძშია – ფიზიკური ძალის ძლიერი ზრდაა. შესანიშნავია საპირისპირო სქესთან კომუნიკაცია. ხელსაყრელია საძირკვლის ჩაყრა, ბიზნესის დაწყება და სახლის მშენებლობის ან რემონტის დაწყება. გაუმკლავდეთ ფულთან დაკავშირებულ საკითხებს. განიხილეთ მიმდინარე საქმეები. კარგია არქივთან მუშაობა. დაასრულეთ მნიშვნელოვანი პროექტები. დაიწყეთ რემონტი. იყიდეთ უძრავი ქონება. კარგია გამოფენების, სპექტაკლების, კონცერტების, შემოქმედებითი საღამოების გამართვა. ისწავლეთ, აიმაღლე კვალიფიკაცია. საკვები უნდა იყოს მრავალფეროვანი და ნოყიერი. არ არის მიზანშეწონილი შიმშილი. კარგია ვარჯიში და იოგა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ე.წ. რეფერენდუმზე საქართველოს უარყოფითი დამოკიდებულების შესახებ მოსკოვში საქმის კურსში არიან და ეს უყურადღებოდ არ რჩებაო..." - რაზე ისაუბრეს კარასინმა და აბაშიძემ?
13:39 / 19-05-2022
რუსულ სახელმწიფო სააგენტო Tass-სთან საუბარში რუსეთის ფედერაციის საბჭოს საერთაშორისო საქმეთა კომიტეტის თავმჯდომარე გრიგორი კარასინმა განაცხადა, რომ ქართველ კოლეგებთან "სამხრეთ ოსეთის" რუსეთის შემადგენლობაში შესვლის საკითხი განიხილა. კარასინმა ასევე თქვა, რომ კონტაქტები საქართველოს პრემიერ-მინისტრის სპეციალურ წარმომადგენელთან რუსეთის ფედერაციასთან ურთიერთობების მოგვარების საკითხებში, ზურაბ აბაშიძესთან სატელეფონო და ვიდეოკონფერენციის რეჟიმში გრძელდება.
"ჭორები ამ ფორმატის გაყინვის შესახებ ნაადრევია, ჩვენ საკმაოდ ხშირად ვუკავშირდებით ტელეფონით, ვიდეოკონფერენციის რეჟიმში“, - დასძინა მან.
სააგენტოს ინფორმაციით, კარასინმა მათთან იმაზეც ისაუბრა, რომ რუსეთი საქართველოსთან ფრენების აღდგენაზე იმუშავებს.
ambebi.ge აბაშიძე-კარასინის სატელეფონო საუბრის დეტალებზე სასაუბროდ პრემიერის სპეციალურ წარმომადგენელს რუსეთთან ურთიერთობის საკითხებში ზურაბ აბაშიძეს დაუკავშირდა.
"ჩვენს შორის შედგა სატელეფონო საუბარი და ბატონმა კარასინმა გააკეთა მოკლე კომენტარი ცხინვალის რეგიონში დაგეგმილ ე.წ. რეფერენდუმთან დაკავშირებით. მან აღნიშნა, რომ მოსკოვში საქმის კურსში არიან ჩვენი უარყოფითი დამოკიდებულების შესახებ და მათი მხრიდან ეს უყურადღებოდ არ რჩება. მან ასევე თქვა ის, რომ მოსკოვი ე.წ. სამხრეთ ოსეთის რეფერენდუმთან დაკავშირებით არანაირ აქტივობაში არ არის ჩართული. მოგეხენებათ, რამდენიმე დღის წინ, ანალოგიური კომენტარი გააკეთა კრემლის პრეს-სპიკერმა დიმიტრი პესკოვმა. რაც შეეხება პრაღის ფორმატში მორიგ შეხვედრას, გრიგორი კარასინმა აღნიშნა, რომ ეს დღის წესრიგში არ დგას, ვთვლით, - ახლა ამის დრო არ არისო. საუბარში საავიაციო რეისების აღდგენის საკითხი არ განხილულა. ასევე, მოკლედ განვიხილეთ საკითხი ყაზბეგი-ლარსის სასაზღვრო პუნქტზე შექმნილ ვითარებასთან დაკავშირებით. რუსეთის მხარეს მიმდებარე ტერიტორიაზე მიმდინარე სარემონტო სამუშაოების გამო, ისინი ვერ ატარებენ საჭირო ავტომობილების რაოდენობას, რის გამოც საქართველოს ტერიტორიაზე თავი მოიყარა მათ შორის სომხეთიდან, თურქეთიდან და უზბეკეთიდან რუსეთის მიმართულებით მიმავალმა სატვირთო ავტომობილებმა. კარასინმა აღგვითქვა, რომ ვითარების დასარეგულირებლად შეძლებისდაგვარად მიიღებს ზომებს. ეს იყო და ეს.
რაც შემეხება მე, მოვისმინე... ზოგადად ავუხსენი ჩვენი დამოკიდებულება და პოზიცია იმასთან დაკავშირებით, რომ არალეგიტიმურია ცხინვალის ხელისუფლება, არალეგიტიმურია არჩევნები და ე.წ. რეფერენდუმი, ავუხსენი ჩვენი დამოკიდებულება ოკუპაციის მიმართ, რაც ოკუპირებულ ტერიტორიაზე ხდება და როგორ ვუყურებთ ამ ვითარებას. კარასინმა ეს ყველაფერი შესანიშნავად იცის, ვინაიდან ამაზე არაერთხელ გვისაუბრია“, - გვეუბნება ზურაბ აბაშიძე.
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სამაჩაბლოს მოსახლეობის 85% რუსეთის მოქალაქეა!!! სადამდე უნდა გვაბოლოთ ვითომ რაღაცას აკეთებთ. ბორენკას ხათრით ლამისაა უკვე თბილისიც შეუერთოთ რუსეთს, ცხინვალზე აღარაა ლაპარაკი
საქმის კურსში არიან კი არა თვითონ პუტინის რუსეთია ავტორი. გვაფრთხილებს ჭკუით იყავით თორემ ეგრევე შემოვიერთებ სამაჩაბლოს სამხრეთ ოსეთის სახელითო და გახდება რუსეთის განაპირა პროვინციაო.