"აზოვსტალში“ ჯერ კიდევ ბევრი ადამიანია დარჩენილი და ჩვენ ვაგრძელებთ მოლაპარაკებებს, რათა ისინი იქიდან გამოვიყვანოთ" - უკრაინის თავდაცვის მინისტრის მოადგილე

"აზოვსტალის“ ფოლადის ქარხნიდან ევაკუაცია დასრულდება მხოლოდ მაშინ, როდესაც მარიუპოლის ყველა დამცველი უკრაინის მიერ კონტროლირებად ტერიტორიებზე იქნება ევაკუირებული, - ამის შესახებ BBC-ის უკრაინის თავდაცვის მინისტრის მოადგილე ანა მალიარმა განუცხადა.

"აზოვსტალში“ ჯერ კიდევ ბევრი ადამიანია დარჩენილი და ჩვენ ვაგრძელებთ მოლაპარაკებებს, რათა ისინი იქიდან გამოვიყვანოთ“.

მისივე თქმით, ეს არის მგრძნობიარე ოპერაცია და ნებისმიერი ბრძანება შესაძლოა, ადამიანების სიცოცხლისთვის პოტენციურად საშიში იყოს. მალიარის თქმით, რუსი პოლიტიკოსების მოწოდებები, რომ ფოლადის ქარხნიდან გამოყვანილი ზოგიერთი მათგანი ომის დანაშაულებებისთვის გაესამართლებინათ, "სავარაუდოდ რუსეთში, შიდა პროპაგანდისთვის იყო გაკეთებული“.

"მოლაპარაკებები ჯერ კიდევ მიმდინარეობს და დადებითი შედეგის იმედი გვაქვს“, - დასძინა მალიარმა.

ასევე იხილეთ:

• Reuters: "აზოვსტალიდან" გაყვანილი უკრაინელი მეომრების ნაწილი რუსების მიერ კონტროლირებად ოლენივკის საპატიმროში გადაიყვანეს, მათ შორის არიან ქალებიც - რა ელის მათ?
• "მათ შეძლეს ისეთი რამეები, რაც შევა სამხედრო ისტორიის სახელმძღვანელოებში" - რას აცხადებს "აზოვის" დამფუძნებელი ანდრეი ბელეცკი "აზოვსტალიდან" სამხედროების ევაკუაციაზე და რას წერს Reuters-ი?