მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მათ შეძლეს ისეთი რამეები, რაც შევა სამხედრო ისტორიის სახელმძღვანელოებში" - რას აცხადებს "აზოვის" დამფუძნებელი ანდრეი ბელეცკი "აზოვსტალიდან" სამხედროების ევაკუაციაზე და რას წერს Reuters-ი?
21:32 / 17-05-2022
სააგენტო Reuters-იავრცელებს ინფორმაციას, რომ რუსი სამხედროების კონტროლის ქვეშ უკრაინელი მებრძოლებით სავსე სულ ცოტა შვიდმა ავტობუსმა დატოვა მარიუპოლის "აზოვსტალის" მეტალურგიული ქარხნის ტერიტორია და დონეცკის მახლობლად, რუსეთის მიერ კონტროლირებად ქალაქ იელენოვკაში, სასჯელაღსრულების ყოფილ კოლონიაში ჩავიდა.
რუსეთის სახელმწიფო საინფორმაციო სააგენტო “ტასის“ ცნობით კი, უკრაინელ მებრძოლებს, რომელთაგან ბევრი პოლკ "აზოვის" წევრია, რუსეთის საგამოძიებო კომიტეტი დაკითხავს.
რუსული მედიის ინფორმაციითვე, უკრაინელი მებრძოლების დაკითხვა "უკრაინის რეჟიმის დანაშაულებებთან დაკავშირებული სისხლის სამართლის საქმეების“ რუსული გამოძიების ფარგლებში ჩატარდება.
"როგორც ჩანს, მარიუპოლის ბლოკადა დასრულებულია, უკანასკნელი დამცველები ტოვებენ ქალაქის ნანგრევებს", - წერს "როიტერსი".
სტატიის თანახმად, ავტობუსებში მყოფ უკრაინელ სამხედრო მოსამსახურეებს დაზიანების ვიზუალური ნიშნები არ აღენიშნებოდათ. უცნობია რა ელით და რას უპირებენ მარიუპოლის დამცველებს, მით უფრო მათ, ვინც არ დაშავებულან.
უკრაინის თავდაცვის სამინისტროს წარმომადგენლების თქმით, მარიუპოლის დამცველებს დაევალათ ყველა ცოცხალი ჯარისკაცის სიცოცხლის გადარჩენა.
რუსეთის მტკიცებით, "აზოვსტალში" გამაგრებულმა პოლკ "აზოვის" მებრძოლებმა და ქვეითი ჯარის სამხედროებმა იარაღი დაყარეს და ტყვედ ჩაბარდნენ.
ჯერ უცნობია, როგორ მოხერხდება ამ გმირი სამხედროების რუს ტყვეებში გაცვლა, რადგანაც რუსეთის ფედერაციის სახელმწიფო სათათბირო 18 მაისს განიხილავს პროექტს, რომელიც კრძალავს ე.წ. ნაცისტი კრიმინალების ტყვედ გაცვლას, ხოლო 26 მაისს რუსეთის ფედერაციის უზენაესი სასამართლო განიხილავს უკრაინული პოლკის "აზოვის" ტერორისტულ ორგანიზაციად გამოცხადების საკითხს.
16 მაისს უკრაინის შეიარაღებული ძალების გენერალურმა შტაბმა განაცხადა, რომ "აზოვსტალის“ ტერიტორიიდან ევაკუირებულია 53 მძიმედ დაჭრილი სამხედრო, რომლებიც გადაიყვანეს ოკუპანტების კონტროლირებადი ქალაქის ნოვოაზოვსკის სამედიცინო დაწესებულებაში, "აზოვსტალის" კიდევ 211 დამცველი კი, ჰუმანიტარული დერეფნით ჩაიყვანეს ოლენივკაში, საიდანაც გენშტაბის მტკიცებით "გაცვლის პროცედურით“ დააბრუნებენ უკრაინის ხელისუფლების მიერ კონტროლირებულ ტერიტორიაზე.
პოლკ "აზოვის" დამფუძნებელმა ანდრეი ბელეცკიმ გაავრცელა ვიდეომიმართვა, რომელშიც საუბრობს "აზოვსტალიდან" სამხედროების ევაკუაციაზე. მან ყველას მოუწოდა თავის შეიკავონ კომენტარებისა და კრიტიკისგან ამ ოპერაციასთან დაკავშირებით.
"80 დღე-ღამეზე მეტ ხანს აკავებდნენ ისინი მტერს, მათი უდიდესი რიცხობრივი უპირატესობის მიუხედავად, საშინელი საავიაციო, საზღვაო, საარტილერიო დაბომბვების ქვეშ და ა.შ. მათ შეძლეს ისეთი რამეები, რაც აუცილებლად შევა სამხედრო ისტორიის სახელმძღვანელოებში. ახლა მთავარი ამოცანაა გადავარჩინოთ ეს ფოლადის ადამიანები, ისინი აუცილებლად დასჭირდება კიდევ უკრაინას. მთავარია ახალ ზედმეტი აზრებით და იდებით არ დავაზიანოთ მებრძოლების გადარჩენის ოპერაცია, ყველასთან დიდი თხოვნა მაქვს, თუ ვინმეს აქვს მოსაზრებები იმის თაობაზე, რა ხდება "აზოვსტალში" და უნდა ამის სხვებისთვის გაზიარება, თავი შეიკავეთ ამისგან და ეს მოსაზრებები დაიტოვეთ თქვენთვის", - განაცხადა ბელეცკიმ.
ბილეცკის თქმით, გარნიზონი ადგილზეა.
"ამჟამად შემიძლია ვთქვა, რომ პოლკი კავშირშია. მე ვიცი, რა ხდება იქ, გარნიზონი ადგილზეა, იარაღით ხელში, ყველაფერი კარგად იქნება, დიდება უკრაინას!" - აცხადებს ის.
გავრცელდა ინფორმაცია, რომ უკრაინისა და საფრანგეთის პრეზიდენტებს შორის სატელეფონო საუბარი შედგა, რომლის დროსაც "აზოვსტალიდან" სამხედროების გადარჩენის ოპერაციასა და მოლაპარაკების პროცესის პერსპექტივაზეც იყო ლაპარაკი...
მკითხველის კომენტარები /
54 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯარისკაცების გმირობის დაკნინება არ შეიძლება. საშველი არ იყო, საკუთარმა მთავრობამ გაწირა და რა უნდა ექნათ.
უკრაინა იბრვის დამოუკიდებლობისათვის და ტერიტორიული მთლიანობისათვის აგრესორის და ოკუპანტის წინააღმდეგ. ღმერთმა დაიფაროს და გააძლიეროს უკრაინელი მეომრები. უკრაინა ცამდე მართალია და ის იზეიმებს გამარჯვებას!