"ოპოზიცია საგანგებოდ იკრიბებაო, ამოვისუნთქე ეგ რომ გავიგე, იმისთანა წარღვნას და ქარიშხალს დაატრიალებენ“ - რას წერს ირაკლი ოქრუაშვილი ნიკა გვარამიას საქმის მოსამართლესა და ოპოზიციაზე?
თავდაცვის ექსმინისტრი ირაკლი ოქრუაშვილი ტელეკომპანია "მთავარის“ დამფუძნებლის ნიკა გვარამიას განაჩენს ეხმაურება და "ფეისბუქგვერდზე“ წერს:
"გვარამიას საქმის მოსამართლე ლაშა ჩხიკვაძე ჩემს საქმესაც იხილავს. ამას წინათ უკრაინაში ომში ყოფნის დროს, რომ ჩამინიშნა პროცესი, პოსტით ვიხუმრე ჩამოვიდე და დავესწო თუ გავუშვა "რუსკი კარაბლის" მიმართულებით მეთქი. წაუკითხავს, "იკაცა" და ადვოკატის პირით, მუქარანარევი ტონით შემომითვალა "ჩვენც ხალხნი ვართ" და ნუ გაგვაბრაზებსო.
ეჰ, ჩემო ლაშა, ნეტავ მართლა რამეს წყვეტდე და მთლად შენზე იყოს დამოკიდებული ჩემი თუ გვარამიას საქმის ბედი. არ ვიცოდეთ მაინც, რა კვერცხებით ჰყავხარ ივანიშვილს და სისტემას დაჭერილი - რამდენიმე წლის წინ ავტოავარიაში კაცი რომ მოკალი და საქმე ჩაგიფარცხეს. ისიც ვიცით შენს ძმას შსს დროდადრო ნარკოტიკზე თუ მსგავსზე რომ იჭერს და უშვებს.
დრონი მეფობენ და არა მეფენი. მითუმეტეს, მონები ვერასდროს მეფობენ, ყველამ დაიმახსოვროს“.
მომდევნო პოსტში კი ოპოზიციის დაანონსებულ შეკრებაზე წერს:
"6 საათზე ოპოზიცია საგანგებოდ იკრიბებაო. ამოვისუნთქე ეგ რომ გავიგე, იმისთანა წარღვნას და ქარიშხალს დაატრიალებენ“.
იხილეთ ასევე: