კორტნი კარდაშიანი და ტრევის ბარკერი კალიფორნიაში ოფიციალურად დაქორწინდნენ: ვარსკვლავური წყვილის საქორწინო ცერემონიის დეტალები

კორტნი კარდაშიანმა და როკ ჯგუფ Blink 182-ის დრამერმა, ტრევის ბარკერმა ქორწილი სანტა ბარბარაში, კალიფორნიის შტატში გადაიხადეს. მანამდე, დაახლოებით ერთი თვის წინ, წყვილმა ლას-ვეგასში არაოფიციალურად და "მხოლოდ გასართობად" მოაწყო ქორწილის მსგავსი წვეულება.

ახლა კი 43 წლის კორტნი და 46 წლის ტრევისი უკვე ოფიციალურად არიან ცოლ-ქმარი. წყვილი ერთი კვირის წინ სანტა ბარაბარაში, ქალაქის ქორწინების ბიუროსთან შენიშნეს, სადაც მათ სამუდამო სიყვარულის ფიცი დადეს და შეუღლდნენ. კორტნის ტრადიციული საპატარძლო კაბა, ხოლო ტრევისის სიძის სამოსი ეცვა: ტრევისს შავი სმოკინგი, კორტნის კი გრძელსახელოებიანი, მუხლამდე სიგრძის თეთრი კაბა და ფატა. ხელის მოწერის შემდეგ, ისინი შავ კაბრიოლეტში ჩასხდნენ, რომელსაც ეწერა "JUST MARRIED" (ახლადდაქორწინებულები).

როგორც ამერიკული მედიასაშუალება Page Six იტყობინება, საქორწინო ცერემონიაზე ახლადშეუღლებულების ოჯახის წევრებიც იმყოფებოდნენ, მათ შორის ტრევისის მამა, რენდი და კორტნის ბებია, მერი ჯო კემპბელი. წყვილთან დაახლოებულმა წყაროებმა TMZ-ს განუცხადეს: "დიახ, მათ კანონიერი დოკუმენტები უკვე მიიღეს - ასე რომ, ისინი ნამდვილად არიან დაქორწინებულები."

წყარო: thesun

მოამზადა: ანა სიბოშვილმა