"დავკარგეთ ჩვენი საოცარი შვილი" - ბრიტნი სპირსს ორსულობა შეუწყდა
ამერიკელ პოპ ვარსკვლავს, ბრიტნი სპირსს ორსულობა შეუწყდა. ამის შესახებ მან "ინსტაგრამის" საკუთარ გვერდზე დაწერა.
"ღრმა მწუხარებით გვინდა გაცნობოთ, რომ ჩვენ დავკარგეთ ჩვენი საოცარი შვილი ორსულობის ადრეულ პერიოდში. ეს არის დამღუპველი პერიოდი ნებისმიერი მშობლისთვის და ასეთ რთულ მომენტში ჩვენი სიყვარული არის უდიდესი ძალა. მიუხედავად ამისა, ჩვენ განვაგრძობთ ჩვენი მშვენიერი ოჯახის გაფართოებას. მადლიერი ვართ იმ მხარდაჭერისთვის, რომელსაც ვგრძნობთ." - წერს მომრერალი სოციალურ ქსელში.
დაახლოებით, ერთი თვის წინ 40 წლის მომღერალმა სასიხარულო ინფორმაცია ფანებს "ინსტაგრამის" საშუალებით შეატყობინა, სადაც ვარდისფერი ყვავილების ფოტო ატვირთა წარწერით: "იმდენი ვიწვალე წონის დასაკლებად და ისევ მოვიმატე. ვიფიქრე: "ღმერთო, რა დაემართა ჩემს მუცელს?" რაზეც ქმარმა მიპასუხა: "საჭმლისგან ხარ ორსულად, სულელო.“ ორსულობის ტესტი გავიკეთე და ნამდვილად ბავშვს ველოდები.. ჩემი მუცელი სწრაფად იზრდება! თუ შიგნით ორნი არიან, შეიძლება ჭკუიდან შევიშალო.“
ბრიტნი სპირსს, უკვე 2 ვაჟი ჰყავს: 16 წლის შონი და 15 წლის ჯეიდენი მისი ყოფილი ქმრისგან, კევინ ფედერლაინისგან. სპირსი ამჟამად მოდელსა და მსახიობს, სემ ასგარის ხვდება.
ასევე იხილეთ:
- "იმდენი ვიწვალე წონის დასაკლებად და ისევ მოვიმატე.. მუცელი სწრაფად იზრდება" - ბრიტნი სპირსი ორსულადაა
- ბრიტინი სპირსმა და მისმა საქმრომ ქორწილის თარიღი დანიშნეს, თუმცა ჯერჯერობით არ ასაჯაროებენ - "ჩვენი ცხოვრება ნამდვილ ზღაპარს ჰგავს“